دەنساۋلىق ساقتاۋ ۆيسە-مينيسترى اجار گينيات قىزى ەلدە كوروناۆيرۋسقا قارسى كۇرەسكە 46 مىڭنان استام دارىگەر جۇمىلدىرىلعانىن ءمالىم ەتتى.
– بۇگىندە قازاقستاندا 46 مىڭنان استام دارىگەر كوروناۆيرۋسپەن كۇرەسىپ جاتىر. سونداي-اق ينتەرن-دارىگەرلەر، مەديسينا ماماندىقتارىنىڭ جوعارى كۋرس ستۋدەنتتەرى جۇمىلدىرىلعان. ولار ينفەكسيالىق ستاسيونارلارداعى ماماندارعا، سونداي-اق پوليكلينيكالاردا ۋچاسكەلىك دارىگەرلەرگە كومەكتەسىپ جاتىر. حالىقارالىق ۇيىمدارعا مامان سۇراپ رەسمي تۇردە جۇگىنبەدىك. ءبىراق كۇنى كەشە عانا رەسەيدەن ارىپتەستەستەرىمىز كەلدى. ءبىز دوستىق نيەتتى، شەتەلدىك ارىپتەستەردىڭ تاجىريبەسىن قابىلداۋعا ءازىرمىز، – دەدى اجار گينيات قىزى ورتالىق كوممۋنيكاسيالار قىزمەتىندە وتكەن بريفينگتە.
پىكىر قالدىرۋ