ۇلىبريتانيادا كوروناۆيرۋستان ۇيدە ەمدەلگەن 20 مىڭعا جۋىق تۇرعىن قايتىس بولعانى راستالدى. الايدا ناقتى كوز جۇمعاندار بۇدان دا كوپ ەكەنى ايتىلۋدا. بۇل تۋرالى قامشى ءتىلشىسى The Guardian باسىلىمىنا سىلتەمە جاساپ حابارلايدى.

دۇيسەنبىدە ۇلىبريتانيادا كوروناۆيرۋستىق ءولىم-جىتىمنىڭ جالپى سانى 44 236-عا جەتكەن. BBC اقپاراتى بويىنشا، 2020 جىلى 2 ناۋرىز بەن 12 ماۋسىم ارالىعىندا ۇيدە كۇتىم الىپ قايتىس بولعان ادامدار وتكەن جىلعىدان 30 مىڭعا كوپ بولعان. ونىڭ 20 مىڭعا جۋىعى كوروناۆيرۋستان قايتىس بولعانى راستالعان.

ماسەلەگە بايلانىستى ۇلىبريتانيا پرەمەر-مينيسترى بوريس دجونسون "كوروناۆيرۋستىق داعدارىس جاعدايىندا ۇيدە كۇتىم العاندار ءتيىستى پروسەدۋرالاردى ساقتامادى" دەپ مالىمدەگەن. "پرەمەر-مينيستر وسىنداي جاعدايلار ءولىم سانىنىڭ وسۋىنە سەبەپكەر بولعانىن ايتتى" دەپ حابارلادى The Guardian.

ۇلىبريتانيا دەنساۋلىق ساقتاۋ سالاسىنداعى شەنەۋنىكتەر ۆيرۋستىڭ ۇيلەر اراسىندا تاراعانى انىقتالعانىن مالىمدەپ، رەسمي ەسەپتە شامامەن 25 مىڭ ناۋقاستىڭ كوروناۆيرۋسقا تەكسەرىلمەستەن ۇيدە كۇتىمگە الۋعا جىبەرىلگەنىن جاريالاعان.

يوركشيردەگى Goole-گە بارعان ۇلىبريتانيا پرەمەر-مينيسترى پاندەميا كەزىندە "ءبىز الەۋمەتتىك قامقورلىقتاعى ادامداردى جاقسىراق قاراۋىمىز كەرەك" دەپ ەسكەرتكەن.

ول سونداي-اق "ءبىز ۇيدە كۇتىم العان كوپ ادامداردىڭ پروسەدۋرالاردى دۇرىس ورىندامايتىنىن انىقتادىق، ءبىراق ءبىز ۇنەمى ساباق وتكىزىپ جاتىرمىز. ەڭ باستىسى، ولاردى ءتيىستى تۇردە قارجىلاندىرۋ كەرەك" دەگەن.