قازاقستاننىڭ قارجى مينيسترلىگى 2023 جىلعا دەيىنگى بيۋدجەتتى وڭتايلاندىرۋ ماقساتىندا بارلىق مەملەكەتتىك ورگاندار مەن كۆازيمەملەكەتتىك سەكتورعا اۆتوموبيل، ارنايى كولىكتەر مەن قىزمەتتىك كولىكتەر، سونداي-اق كەڭسە جيھازدارىن ساتىپ الۋعا 3 جىلعا موراتوريي ەنگىزدى، دەپ حابارلادى مينيسترلىكتىڭ باسپا ءسوز قىزمەتى.

وڭتايلاندىرۋدان ۇنەمدەلگەن 532،8 ملرد تەڭگە پاندەميانىڭ جاعىمسىز سالدارىن بولدىرماۋعا ازاماتتار مەن بيزنەستى قولداۋعا باعىتتالماق.

ماكروەكونوميكالىق كورسەتكىشتەردىڭ قايتا قارالۋىنا بايلانىستى بيۋدجەتتىك باعدارلامالار اكىمشىلەرىنىڭ شىعىستارىن انىقتاۋ كەزىندە 2021-2023 جىلدارعا ارنالعان جاڭا باستامالاردىڭ ليميتتەرى بەكىتىلىپ، 6،4 ترلن تەڭگە وڭتايلاندىرىلدى.

سونداي-اق قارجى مينيسترلىگى كاپيتالدى ەلدەن شىعارۋدى جانە سالىق تولەۋدەن جالتارۋدى بولدىرماۋ ءۇشىن قارجىلىق مونيتورينگتى كۇشەيتۋ، ترانسفەرتتىك باعا بەلگىلەۋدى باقىلاۋ بويىنشا شارالار قابىلداۋدا. 

مينيسترلىك بيۋدجەت قاراجاتىن ءتيىمسىز جىنە نەگىزسىز پايدالانۋ ءقاۋپىن انىقتاۋ ءۇشىن توتەنشە جاعداي كەزىندە ارنايى راسىمدەر بويىنشا جۇزەگە اسىرىلاتىن مەملەكەتتىك ساتىپ الۋ راسىمدەرىن باقىلايدى.