ق ر پرەزيدەنتى جانىنداعى ۇلتتىق قوعامدىق سەنىم كەڭەسىنىڭ مۇشەسى اۋىت مۇحيبەك مەملەكەت باسشىسىنىڭ ۇندەۋىنە قاتىستى الەۋمەتتىك جەلىدەگى پاراقشاسىندا ءوز پىكىرىن ءبىلدىردى.
– پرەزيدەنت ۇندەۋىن تىڭداپ وتىردىم. جۇرەك قاتتى سىزداپ اۋىرىپ تۇرعاندا، قارالى كۇن جاريالاعانى جاقسى بولدى دەپ ەسەپتەيمىن. بۇل قارالى وتباسىلاردىڭ كوڭىلىنە مەدەۋ. سەبەبى، "ءولى رازى بولماي، ءتىرى بايىمايدى" دەگەن ۇلى ءسوز بار قازاقتا. ال اكىمدەر مەن مينيسترلەر مىندەتتى تۇردە كەتكەن قاتەلىككە جاۋاپ بەرۋ كەرەك! پرەزيدەنت بۇل تۋرالى قاداپ تۇرىپ ايتتى. اۋرۋ باستالعاندا ماسكا بولعان جوق. ءبارىن شەتەلگە ساتىپ جىبەرگەن. دارىگەرلەردىڭ قورعانۋ كيىمى تاپشى بولدى. بارى ساپاسىز بولدى. ءبىز دارىگەرلەردى جاۋعا مىلتىقسىز ايداپ سالعانداي بولدىق. كوبى ىندەت جۇقتىردى، – دەيدى اۋىت مۇحيبەك.
ول ءۇش دەپۋتاتقا حابارلاسىپ، اۋىلداردان بەتپەردە مەن قورعانۋ كيىمىن تىگەتىن شاعىن سەحتار اشۋدى ءماجىلىستىڭ تورىنەن كوتەرۋىن سۇراعانىن ايتتى.
– قۇجات جيۋدى قويا تۇرسىن. كەرەك بولسا، اكىمدىك ءوزى جاساپ بەرسىن قۇجاتتارىن دەپ. اقشا شەتكە ەتپەيدى، ونتاندىق ءونىم ونەدى. ۇكىمەت تاپسىرىس بەرىپ، ءونىمدى ساتىپ السىن دەدىم. ناتيجە بولمادى. مەنىڭ دە سول دەپۋتاتتاردان ەسەپ العىم كەلىپ وتىر. ەندى، دارى-دارمەككە كەلسەك، مەنشە ەلىمىزدە دارى-دارمەك جوق ەمەس، بار. تويىمسىز قورقاۋلار قولدان تاپشىلىق جاساپ، اقشا تاۋىپ قالۋدى كوزدەپ وتىر دەپ ويلايمىن. تاعى ءبىر ويىم، ادەيى وسىلاي ىستەپ، حالىق پەن بيلىك اراسىن ۋشىقتىرۋشىلار دا بار ما دەپ كۇدىكتەنەم، – دەيدى قوعام بەلسەندىسى.
ول پرەزيدەنت قاسىم-جومارت كەمەل ۇلى تويىمسىزدارمەن كۇرەستى باستاعانىن، ەندى حالىق تا ۇلەس قوسۋ كەرەك دەپ وتىر.
پىكىر قالدىرۋ