شىعىس قازاقستان وبلىسىنىڭ باس پۋلمونولوگى زاعريپا ابدييەۆا كوروناۆيرۋستى تۇماۋدان قالاي اجىراتۋعا بولاتىنىن ايتتى، دەپ حابارلادى اstanatv.kz.

– ەڭ باستىسى دەنە قىزۋىنا نازار اۋدارۋ قاجەت. ەگەر تەمپەراتۋراڭىز 3 كۇن قاتارىنان 38 گرادۋستان تۇسپەسە، وندا بۇل ۆيرۋستىڭ باستاپقى بەلگىلەرى دەگەن ءسوز. تۇماۋ كەزىندە دەمىكپە بولمايدى. دەنە قىزۋى كوتەرىلگەنىمەن، مۇرىن بىتەلمەيدى. ال كوروناۆيرۋس دەرتىن جۇقتىرعان ناۋقاستاردىڭ بۋىن-بۋىنى سىرقىراپ، ءدام سەزبەيدى، – دەدى زاعريپا ابدييەۆا.

ونىڭ ايتۋىنشا، مۇنداي سيمپتومدار بايقالعان جاعدايدا دارىگەر كومەگىنە جۇگىنۋ كەرەك.

سوڭعى دەرەكتەرگە سۇيەنسەك قازاقستاندا كوروناۆيرۋس جۇقتىرعانداردىڭ جالپى سانى – 54 747. ونىڭ ىشىندە جازىلىپ شىققانى – 31 217، ال قايتىس بولعاندار – 264.