قازاقستاننىڭ دەنساۋلىق ساقتاۋ مينيسترلىگى كەيبىر جۇڭگو باق-تارىندا تاراعان قازاقستاندا كوروناۆيرۋسقا قاراعاندا كوپ ءولىم بەلگىسىز پنيەۆمونيا جاعدايلارىنان بولىپ جاتىر دەگەن اقپاراتتىڭ شىندىققا سايكەس كەلمەيتىنىن مالىمدەدءى.
"ددسۇ احج-10 حالىقارالىق اۋرۋلاردىڭ جىكتەمەسىنە، ونىڭ ىشىندە پنيەۆمونيا ءۇشىن كودتار ەنگىزدى. ايتالىق، «ماتوۆوگو ستەكلا» سيندرومى كەزىندە كۆي كلينيكالىق نەمەسە ەپيدەميولوگيالىق تۇرعىدان، ياعني وكپەنىڭ قابىنۋى دياگنوستيكالانادى. ءبىراق زەرتحانالىق زەرتتەۋدە راستالمايدى. قازاقستان وسىعان بايلانىستى الەمدەگى باسقا ەلدەر سەكىلدى وسىنداي پنيەۆمونيانى ەسەپكە جانە مونيتورينگكە الادى. بۇل سىرقاتتانۋ جاعدايىن جانە كوروناۆيرۋستىق ينفەكسيانىڭ تارالۋىن تۇراقتاندىرۋعا باعىتتالعان باسقارۋ شەشىمدەرىن قابىلداۋعا مۇمكىندىك بەرەدى. 9 شىلدەدە دەنساۋلىق ساقتاۋ ءمينيسترى ا. سوي ەلدەگى پنيەۆمونيا سانى تۋرالى ايتتى. جالپى العاندا: ەلدە باكتەريالىق، گريبوكتى، ۆيرۋستى تۇرلەرى، سونىڭ ىشىندە احج-10 جىكتەمەسىنە سايكەس "ۆيرۋستى پنيەۆمونيا، ەتيولوگياسى انىقتالماعان پنيەۆمونيا" بار. وسىلايشا قازاقستان رەسپۋبليكاسى دەنساۋلىق ساقتاۋ مينيسترلىگى جۇڭگو باق-تارىنىڭ اقپاراتى شىندىققا سايكەس كەلمەيتىنىن تاعى دا مالىمدەيدى" دەلىنگەن مينيسترلىك تاراتقان مالىمدەمەدە.
بۇعان دەيىن قازاقستانداعى جۇڭگو ەلشىلىگىنىڭ WeChat جەلىسىندە قازاقستاندا COVID-19-دان دا ءقاۋىپتى پنيەۆمونيانىڭ جاڭا ءتۇرى تارالىپ جاتقانى، وعان تۇرعىندار جاپپاي شالدىعىپ جاتقانى تۋرالى حابارلانعان.
