ترامپ اكىمشىلىگىنىڭ بۇرىنعى باس ستراتەگى ستيۆ باننون قىتايدان قاشىپ شىققان ۆيرۋسولوگتار باتىس بارلاۋ قىزمەتىنىڭ قولىندا ەكەنىن ايتتى. بۇل تۋرالى The Mirror باسىلىمى حابارلادى.
ستيۆ باننوننىڭ ايتۋىنشا، اقش تىڭشىلارى بەيجىڭگە قارسى ءىس جۇرگىزىپ جاتىر. ول ۋحانداعى ۆيرۋسولوگيا ينستيتۋتىنان ۆيرۋستاردىڭ ابايسىزدا نەمەسە ادەيى شىققان بولۋى مۇمكىن ەكەنىن ايتقان. ستيۆ باننون جۇڭگو زەرتحانالارى ماماندارىنىڭ امەريكاعا قاشىپ كەلگەنىن جانە ولار باتىس بارلاۋ قىزمەتىنىڭ قولىندا ەكەنىن جەتكىزدى.
ول بەيجىڭنىڭ كوروناۆيرۋس تۋرالى اقپاراتتى جاسىرۋىن "الدىن-الا ويلاستىرىلعان كىسى ءولتىرۋ" دەپ مالىمدەدى.
– قاشىپ كەلگەندەردىڭ كەيبىرەۋى فەدەرالدىق تەرگەۋ بيۋروسىمەن بىرگە ۋحان ينستيتۋتىندا بولعان جاعدايدى بىرلەسە اشپاق، – دەگەن ول ۋحان زەرتحاناسىنىڭ قاتتى جۇمىس ىستەگەنىن جانە دۇرىس باسقارىلماعانىن جەتكىزگەن.
Mail-گە بەرگەن سۇحباتىندا ستيۆ باننون "ولار بۇقارالىق اقپارات قۇرالدارىنا ءالى اقپارات بەرمەدى، ءبىراق ۋحان ينستيتۋتىنان جانە باسقا زەرتحانالاردان باتىسقا قاشقان ادامدار بار جانە ولار جۇڭگو كوممۋنيستىك پارتياسى كىنالى ەكەنىنىڭ دالەلدەرىن دايىنداپ جاتىر. مەنىڭ ويىمشا، بۇل فاكتلەر جاريالانسا، ادامدار قاتتى تاڭ قالادى" دەپ مالىمدەگەن.
بۇعان دەيىن امەريكانىڭ FoxNews ارناسىنا گونكونگتان قاشىپ بارعان لي-مەن يان اتتى ۆيرۋسولوگ ەكسكليۋزيۆتى سۇحبات بەرگەن. تەلەارنانىڭ اقپاراتىنشا، 28 ءساۋىر كۇنى امەريكاعا قاشىپ بارعان لي-مەن يان گونكونگتىڭ قوعامدىق دەنساۋلىق ساقتاۋ مەكتەبىنىڭ ۆيرۋسولوگيا جانە يممۋنولوگيا بويىنشا مامانداندىرىلعان بەدەلدى دارىگەرى. يان ءوزىنىڭ كوروناۆيرۋستى زەرتتەگەن الەمدەگى العاشقى عالىمداردىڭ ءبىرى ەكەنىن مالىمدەگەن. ونىڭ ايتۋىنشا، 2019 جىلى ول ۋنيۆەرسيتەت پەن ددسۇ انىقتامالىق زەرتحاناسىنىڭ جەتەكشىسى دوكتورى لەو پۋنمەن بىرگە جاڭا پايدا بولعان ۆيرۋستى زەرتتەۋگە قاتىسقان. ول 31 جەلتوقساندا ۆيرۋستىڭ ادامنان ادامعا جۇعاتىنى راستالعانىن ايتتى.
الايدا 9 قاڭتاردا ددسۇ قىتايعا سىلتەمە جاساپ كوروناۆيرۋستىڭ ادامنان ادامعا وڭايشىلىقپەن جۇقپايتىنىن مالىمدەگەن.
ول سونىمەن بىرگە ددسۇ-عا قاراستى زەرتحانانىڭ بىرلەسكەن ديرەكتورى، پروفەسسور ماليك پەيريس بۇل تۋرالى بىلەتىنىن، ءبىراق ەشتەڭەنى اشىق جاريالاماعانىن ايتقان.
پەيريس تۇسىنىكتەمە بەرۋ تۋرالى وتىنىشتەرگە جاۋاپ بەرمەگەن. ددسۇ رەسمي سايتى پەيريستى كوروناۆيرۋسقا بايلانىستى پنيەۆمونيامەن كۇرەس جونىندەگى دۇنيەجۇزىلىك دەنساۋلىق ساقتاۋ ەرەجەلەرىنىڭ توتەنشە كوميتەتىندە "كەڭەسشى" رەتىندە تىزىمدە تۇرعانىن جازعان.
پىكىر قالدىرۋ