2019-2020 وقۋ جىلىنىڭ 4-توقسانىندا قاشىقتان جۇمىس ىستەگەن مۇعالىمدەر اراسىندا كوروناۆيرۋس جۇقتىرعاندار بولماعان. ءبىراق ەڭبەك دەمالىسى كەزىندە ىندەتكە شالدىققاندار بار. بۇل تۋرالى قازاقستاننىڭ ءبىلىم جانە عىلىم ءمينيسترى اسحات ايماعامبەتوۆ ورتالىق كوممۋنيكاسيالار قىزمەتىندە وتكەن ونلاين-بريفينگتە ايتتى.
– وسى ماسەلە تۋرالى دەنساۋلىق ساقتاۋ مينيسترلىگىمەن رەسمي تۇردە سويلەسكەن بولاتىنبىز. بىزگە بەرىلگەن اقپارات بويىنشا، وقۋ جىلىنىڭ 4-توقسانىندا ۆيرۋسقا ەشقانداي ءمۇعالىم شالدىقپاعان. الايدا وكىنىشكە قاراي، ەڭبەك دەمالىسىندا ءجۇرىپ ۆيرۋسقا شالدىققان ارىپتەستەرىمىز بار. مۇنى قاشىقتان وقۋمەن بايلانىستىرۋعا ەشقانداي نەگىز جوق. ءقازىر – دەمالىس ۋاقىتى. ءبىز مۇعالىمدەردەن ەڭبەك دەمالىسى ۋاقىتىندا ەسەپ، اقپارات سۇرامادىق، ماسەلەلەردىڭ بولماۋىن قاداعالادىق، – دەدى مينيستر.
پىكىر قالدىرۋ