شىعىس قازاقستان وبلىسىنىڭ اكىمى دانيال احمەتوۆ تىكەلەي ەفير بارىسىندا ستاسيونارلار تولى بولسا، دارى-دارمەك قورى 1 ايعا جەتەتىنىن اتاپ ءوتتى.
ەمدەۋ مەكەمەلەرىندە 155 مىڭ بىرلىك ىستىق تۇسىرەتىن ءدارى، 35 مىڭ ۆيرۋسقا قارسى پرەپارات پەن 314 مىڭ انتيبيوتيك بار.
قالا مەن اۋداندارداعى ەركىن ءدارىحانا جەلىلەرىندە ىستىق تۇسىرەتىن 79،3 مىڭ قاپتاما، 2،6 مىڭ ۆيرۋسقا قارسى پرەپارات پەن 15،6 مىڭ انتيبيوتيك قاپتاماسى بار.
پرەزيدەنتتىڭ تاپسىرماسى بويىنشا وڭىردە 5 شىلدە كۇنى ءدارىحانالارداعى ىستىق تۇسىرەتىن دارىلەردىڭ باعاسىن باقىلاۋ جانە ەمدىك پرەپاراتتاردى زاڭسىز ساۋدالايتىنداردىڭ جولىن كەسۋ ماقساتىندا رەيد جۇرگىزىلدى. ءموبيلدى توپتىڭ قۇرامىندا اكىمدىك وكىلدەرى، قۇقىق قورعاۋ ورگاندارى مەن جۋرناليستەر بولدى.
وڭىردەگى دارى-دارمەك تاپشىلىعىنىڭ الدىن الۋ ماقساتىندا اكىمدىكتەر دارىحانالارمەن جانە تولايىم باعامەن جەتكىزۋشىلەرمەن كەلىسىمشارتقا وتىردى. ەندى ءبىر قولعا ىستىق تۇسىرەتىن ەكى قاپتاما عانا ساتىلادى. ءدارىنىڭ بۇل مولشەرى سۋىق ءتيۋدى جازۋعا سەپتىگىن تيگىزەدى.
جەدەل شارا كەزىندە پوليسيا قىزمەتكەرلەرى ۇيدە زاڭسىز ءدارى ساتقان وسكەمەن تۇرعىنىن قولعا ءتۇسىردى. مۇنداي جاعداي ريددەردە تىركەلدى.
ءدارى باعاسىنىڭ ءوسۋى تۋرالى اقپاراتتى 8(7232) 61-81-00 كولل-ورتالىعىنا نەمەسە "شىعىس ادالدىق الاڭىنىڭ" WhatsApp جەلىسىندەگى +7 (778) 474-69-35 نومىرىنە حابارلاسىپ ايتۋعا بولادى.
شقو اقپارات ورتالىعى
پىكىر قالدىرۋ