ايماق باسشىسى دانيال احمەتوۆ Covid-19 اۋرۋىنا شالدىققانداردىڭ ستاتيستيكاسى جونىندە ايتىپ بەردى.

شىعىس قازاقستان وبلىسىنداعى اۋرۋحانالار 30 پايىزعا تولدى. بۇل تۋرالى ايماق باسشىسى دانيال احمەتوۆ ءمالىم ەتتى.

شىعىس قازاقستاندا 1 ماۋسىمنان باستاپ كوروناۆيرۋستىق ينفەكسيا جۇقتىرعانداردىڭ سانى 17 ەسەگە (135-تەن 2313-كە دەيىن) ارتقان. بۇگىنگى كۇنى 1242 (54%) ناۋقاستان ۆيرۋستىڭ كلينيكالىق بەلگىلەر انىقتالعان. قالعان 1071 (46%) ادامدا كوروناۆيرۋستىق ينفەكسيا ەشقانداي بەلگىسىز تىركەلگەن.

ينفەكسيادان جازىلعاندار دا بار. وسى كۇنگە 1122 ادام (48،5%) دەرتىنەن ايىقتى. ونىڭ ىشىندە 505ء-ى ستاسيوناردا، 617ء-ى امبۋلاتوريالىق ەم العان.

قازىرگى ۋاقىتتا 1191 تۇرعىن ستاسيوناردا ەم الۋدا. سونىڭ ىشىندە 537ء-ى ينفەكسيالىق ستاسيوناردا، 654ء-ى پروۆيزورلىق نەمەسە امبۋلوتوريالىق ستاسيوناردا ەمدەلىپ جاتىر.  پاسيەنتتەردىڭ جاعدايى تۇراقتى.

ايتا كەتەيىك، شەكتەۋ شارالارىنىڭ ناتيجەسىندە سەمەيدەگى اۋرۋ كورسەتكىشى 1،5 ەسەگە تومەندەدى. ءدال وسىنداي ناتيجە شىلدە ايىنىڭ ورتا شەنىندە وسكەمەندە دە كۇتىلۋدە.

شقو اقپارات ورتالىعى