قازاقستان دەنساۋلىق ساقتاۋ مينيسترلىگى ەلدە وتكەن تاۋلىكتە 1759 ادامنان كوروناۆيرۋس تابىلعانىن حابارلادى.

ۆەدومستۆو جاريالاعان سوڭعى دەرەككە ساي، ەلدە ۆيرۋس جۇقتىرعاندار سانى 63 مىڭنان استى. ولاردىڭ 38 مىڭنان استامى جازىلدى. وسى ۋاقىتقا دەيىن 375 ادام كوروناۆيرۋستان قايتىس بولدى. 

كوروناۆيرۋسقا بايلانىستى الەم ەلدەرىنىڭ ستاتيستيكاسىن جاريالاپ وتىراتىن Worldometers.info سايتىنىڭ 15 شىلدەدەگى دەرگىنشە، قازاقستاندا كوروناۆيرۋس جۇقتىرعاندار سانى جونىنەن دۇنيەجۇزىندە ءبىر ساتى جوعارىلىپ، 30-ورىنعا تۇراقتادى. تىزىمدە 29-ورىندا تۇرعان بەلورۋستە جۇقتىرعاندار سانى قازاقستانمەن شامالاس. 

ءولىم بويىنشا دا، جۇقتىرعاندار سانى جونىنەن دە اقش ءالى كوش باستاپ تۇر. ەلدە ىندەتكە شالدىققاندار سىنى ءۇش جارىم ميلليوننان استى، 139 مىڭنان اسا ادام ءولدى. 

Worldometers.info سايتىنىڭ سوڭعى مالىمەتىنە ساي، دۇنيەجىزىندە 13،5 ميلليونعا جۋىق ادامعا Covid-19 جۇققان. ولگەندەر سانى 580 مىڭنىڭ ۇستىندە.