قازاقستاندىق نەيروحيرۋرگ دارىگەر مىڭجىلقى بەردىقوجايەۆتىڭ ايتۋىنشا، قازاقستانداعى پسر تەستتەرىنىڭ دۇرىستىعى 20 پايىزدان دا تومەن. ول بۇل اقپاراتتى جۋرناليست نارتاي ارالبايمەن بولعان سۇحباتتا مالىمدەدى.

قازاقستانداعى پسر تەستتەرىنىڭ دالدىگى وتە تومەن ەكەنىن جەتكىزگەن نەيروحيرۋرگ شىلدەنىڭ باسىندا عانا 415 پنيەۆمونيا دەرەگى انىقتالعانىن ايتتى.

– 25 ماۋسىمنان 5 شىلدەگە دەيىن 415 پنيەۆمونيا انىقتالعان. ونىڭ شامامەن 20 پايىزىن عانا كوروناۆيرۋستىڭ ءپسر-ى دالەلدەپ وتىر. قالعان 80 پايىزى پسر-دا دالەلدەنبەگەن، ءبىراق كومپيۋتەر جانە رەنتگەن بويىنشا ول جەردە كوروناۆيرۋسقا ءتان وزگەرىستەر بار. ول دەگەنىمىز، ەگەر 100 پايىزدى الاتىن بولساق، ونىڭ ىشىندە تەك قانا 20 پايىزىندا كوروناۆيرۋستىق پنيەۆمونيا انىقتالىپ وتىر، – دەدى دارىگەر.

كوروناۆيرۋستىڭ قازاقستاندىق شتامى پايدا بولعانىن ايتقان نەيروحيرۋرگ ونى تەستپەن انىقتاۋ مۇمكىن ەمەس ەكەنىن جەتكىزدى. ونىڭ سەبەبى رەتىندە، ۆيرۋس مۋتاسياعا ۇشىراعانى نەمەسە تەستتىك جۇيە قاتە جۇمىس ىستەيتىنى ايتىلدى. وعان قوسا، مامان كوروناۆيرۋس تەستتەرىن وتكىزۋدى توقتاتۋ كەرەكتىگىن مالىمدەدى.