سولتۇستىك قازاقستان وبلىسىندا سوتتالعاندار كارانتين ءىس-شارالارى كەزىندە 300 مىڭعا جۋىق ماسكا مەن 700 مىڭ قورعانىش كوستيۋمىن تىككەنىن Polisia.kz حابارلادى.

"قازاقستاندا توتەنشە جاعداي رەجيمى ەنگىزىلگەننەن بەرى قورعانۋ قۇرالدارى سۇرانىسقا يە بولىپ كەلەدى. وسىعان بايلانىستى 150 000 كوپرەتتىك جانە 150 000 بىررەتتىك ماسكالار جاسالدى. قاماۋداعىلار شىعارعان جەكە قورعانۋ قۇرالدارىن وبلىستىڭ كۇش قۇرىلىمدارى پايدالانادى. كارانتين باستالعالى بەرى وسى ىسكە ەس-164/3 مەكەمەسىنىڭ ەرلەر كولونياسىنان 20، ەس-164/6 مەكەمەسىنىڭ ايەلدەر كولونياسىنان 110 سوتتالعاندار جۇمىلدىرىلدى" دەلىنگەن پورتالدا.

– مەنىڭ ويىمشا، مۇنداي قيىن ۋاقىتتا ادامدار بىر-بىرىنە كومەكتەسۋى كەرەك. ءبىز ماسكالار تىگۋ ارقىلى كۆي-مەن كۇرەسۋگە از دا بولسا ۇلەس قوسىپ جاتىرمىز، – دەيدى سوتتالعان ا اتتى ازامات.