قازاقستاندا وسى ۋاقىتقا دەيىن 51 مەديسينا قىزمەتكەرى كوروناۆيرۋستان كوز جۇمدى. بۇل اقپاراتتى بۇگىن ورتالىق كوممۋنيكاسيالار قىزمەتىندە وتكەن بريفينگتە دەنساۋلىق ساقتاۋ مينيسترلىگىنە قاراستى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ وكىلى تيمۋر سۇلتانعازييەۆ ايتتى.
– ءبىزدىڭ مالىمەتىمىز بويىنشا، 51 مەديسينا قىزمەتكەرى قايتىس بولدى. ولاردىڭ تۋىستارى مەن جاقىندارىنا كوڭىل ايتامىز. مەملەكەت باسشىسى 13 شىلدەدە قازا بولعانداردىڭ بارلىعىن مەملەكەتتىك ناگرادالارمەن ماراپاتتادى، 42 مەديسينا قىزمەتكەرى ماراپاتقا يە بولدى، – دەدى سۇلتانعازييەۆ.
بۇعان دەيىن پرەزيدەنت قاسىم-جومارت توقايەۆ كوروناۆيرۋس پەن پنيەۆمونيادان قايتىس بولعان 42 مەديسينا قىزمەتكەرىن ولگەن سوڭ ماراپاتتاعان.
سوڭعى رەسمي اقپاراتقا ساي، ەلدە ۆيرۋس جۇقتىرعاندار 65 مىڭنان استى، 375 ادام كوز جۇمدى.
پىكىر قالدىرۋ