ترامپ قىتايدىڭ ميلليونداعان تۇلعالارىنا سانكسيا سالماق. سانكسياعا جۇڭگو كوممۋنيستىك پارتياسىنىڭ جوعارى لاۋازىمدى تۇلعالارىنان باستاپ، ولاردىڭ بالالارى، وتباسى مۇشەلەرى، ءتىپتى، بيزنەس وكىلدەرى جانە ونداعان ميلليون جۇڭگو ازاماتى ەنۋى مۇمكىن. بۇل تۋرالى قامشى ءتىلشىسى ۋولل-ستريت دجورنال، Reuters جانە نيۋ-يورك تايمس گازەتىنە شولۋ جاساپ، حابارلادى.

ترامپ اكىمشىلىگى جۇڭگو كوممۋنيستىك پارتياسىنىڭ (قكپ) لاۋازىمدى مۇشەلەرى مەن ولاردىڭ وتباسى مۇشەلەرىنە اقش-قا ساپارلاۋعا تىيىم سالۋدى قاراستىرۋدا، – دەپ حابارلاعان اق ۇيگە جاقىن اقپارات كوزدەرى.

– الايدا شەشىم قابىلداۋ پروسەسى ءالى ەرتە ساتىدا جانە بۇل تىيىم رەترواكتيۆتى تۇردە قولدانىلاتىنى ءالى انىقتالعان جوق. سوندىقتان وعان اقش-تا تۇرىپ جاتقان ادامدار دا كىرۋى مۇمكىن، – دەپ حابارلادى ۋولل-ستريت دجورنال.

اق ءۇيدىڭ باسپا ءسوز حاتشىسى كايلي ماكەناني جۋرناليستەرگە اقش قىتايعا قاتىستى بارلىق نۇسقالاردى قاراستىراتىنىن مالىمدەدى.

ال بۇل اقپاراتتى العاش بولىپ جاريالاعان نيۋ-يورك تايمستىڭ پىكىرتالاستارى بويىنشا، بۇل ۆاشينگتوننىڭ بەيجىڭمەن اراداعى ارازدىقتىڭ ەڭ قاتاڭ ارەكەتتەرىنىڭ ءبىرى بولۋى مۇمكىن. كەيبىر ساراپشىلار "ونداعان ميلليون قىتايعا ۆيزا بەرۋدەن باس تارتۋ تۋرالى شەشىم بولۋى مۇمكىن" دەسە، كەيبىرى مۇنى "جاڭا قىرعي-قاباق سوعىستىنىڭ باستالۋى" دەپ تۇسىندىرۋدە. 

– اقش-تىڭ كوپتەگەن اگەنتتىكتەرىندەگى شەنەۋنىكتەر كوممۋنيستىك پارتيا مۇشەلەرىنىڭ بالالارىنىڭ امەريكا ۋنيۆەرسيتەتتەرىندە وقۋىنا تىيىم سالۋ تۋرالى ماسەلەنى قاراستىراتىن پروسەسكە قاتىسادى، – دەيدى تالقىلاۋ تۋرالى اقپارات تاراتقان دەرەككوزدەر.

مۇنداي تىيىمنىڭ قالاي تالقىلانىپ جاتقانى ترامپتىڭ كومەكشىلەرى ءبارىن دايىنداعان كەزدە جاريالانۋى مۇمكىن. سەبەبى قىتايعا قارسى قاتاڭ تاقىرىپتاردى ترامپ ءوزىنىڭ قاراشا ايىنداعى قايتا سايلاۋ ناۋقانىنا باعىتتايدى.

ترامپ پەن پرەزيدەنتتىكتەن ۇمىتكەر دەموكرات دجو بايدەن ەكەۋى قىتايعا قارسى قاتاڭ ساياساتتان بىر-بىرىنەن اسىپ ءتۇسۋ ءۇشىن باسەكەگە تۇسۋدە.

"مۇنداي تىيىم جۇزەگە اسىرىلسا، جۇڭگو كوممۋنيستىك پارتياسىنىڭ ەڭ جوعارى دەڭگەيىنەن باستاپ ءارتۇرلى دەڭگەيىنە دەيىن سوققى بەرىلەدى" دەيدى Reuters اگەنتتىگى. ءتىپتى بۇعان تەك قانا ديپلوماتتار عانا ەمەس، سونىمەن بىرگە بيزنەس-مەنەدجەرلەر دە كىرۋى مۇمكىن.

بۇعان دەيىن اقش سوڭعى اپتالاردا قىتايعا ءبىرقاتار سانكسيالار ەنگىزسە دە، ترامپ گونكونگقا قاتىستى قىتايدىڭ كەيبىر جوعارى لاۋازىمدى شەنەۋنىكتەرىن سانكسيالاۋعا دايىن ەمەس ەكەنىن حابارلانعان.