ەڭبەك جانە حالىقتى الەۋمەتتىك قورعاۋ ءمينيسترى egov.kz جانە 42500.enbek.kz-تە 42 500 تەڭگە مولشەرىندەنى تولەم تاعايىنداۋعا وتىنىمدەردى قابىلداۋ كەزەڭ-كەزەڭمەن جۇزەگە اسىرىلاتىنىن حابارلادى.
16 شىلدەدەن باستاپ ءبىرىڭعاي جيىنتىق تولەمدى تولەۋشىلەرگە تولەمنىڭ اۆتوماتتى تۇردە تاعايىندالعانى تۋرالى sms-حابارلاما جىبەرىلىپ باستالدى. مينيسترلىك مالىمەتىنشە، 700 مىڭ قازاقستاندىققا sms جىبەرىلگەن.
ءبىرىڭعاي جيىنتىق تولەپ، ءبىراق sms الماعان ءوزىن-وزى جۇمىسپەن قامتۋشىلار پرواكتيۆتى قىزمەت كورسەتۋ اياقتالعاننان كەيىن عانا ءوتىنىم بىلدىرە الادى.
بۇگىن، ياعني 17 شىلدەدەن باستاپ جەكە كاسىپكەرلەر، ازاماتتىق-قۇقىقتىق سيپاتتاعى شارتتار بويىنشا تابىس الاتىن ادامدار جانە جەكە پراكتيكامەن اينالىساتىن ادامدار ءۇشىن تولەمگە ءوتىنىم قابىلداۋ باستالدى.
ءوز قىزمەتكەرلەرىنە ءوتىنىم بەرەتىن جۇمىس بەرۋشىلەر (زاڭدى جانە جەكە تۇلعالار) ءۇشىن ءوتىنىم قابىلداۋ 19 شىلدەدەن باستالادى.
ال ءوزىن-وزى جۇمىسپەن قامتۋشىلار 20 شىلدەدەن باستاپ قانا ءوتىنىم ءبىلدىرۋى كەرەك.
پىكىر قالدىرۋ