"وبلىستىق ءماسليحات سەسسياسى بارىسىندا ءبىرقاتار ماڭىزدى ماسەلەلەر تالقىلاندى. ءبىرىنشى كەزەكتە، كوروناۆيرۋس ينفەكسياسىن تاراتپاۋ بويىنشا سۇراقتار قارالدى. بۇگىنگى تاڭدا وبلىستىڭ كەيبىر اۋداندارىندا ەپيدەميولوگيالىق جاعداي كۇردەلى بولىپ وتىر، الايدا ءبىز ينفەكسيالىق توسەك ورىن سانىن 1886-گە دەيىن، پروۆيزورلىق توسەك ورىن سانىن 2423-گە دەيىن ارتتىرۋ بويىنشا بارلىق شارالاردى قابىلدادىق. بارلىق مەديسينالىق مەكەمەلەردە رەانيماسيالىق توسەكتەر اشىلعان، تامىز ايىنا قاراي ءبىز جالپى سوماسى 1،5 ميلليارد تەڭگەگە وتتەگى كونسەنتراتورلارى، مونيتورلار، پۋلسوكسيمەترلەر، ءوجج جانە رەنتگەن اپپاراتتارى تۇرىندەگى قوسىمشا جابدىق الامىز. ءبىز بارلىق دارىگەرلەرىمىزدى جۇمىسقا تارتتىق، كۇندەلىكتى ءدارىحانالاردا قاجەتتى دارى-دارمەكتەردىڭ بولۋىنا مونيتورينگ جۇرگىزىلەدى. بۇگىنگى كۇنى ءبىزدىڭ بارلىق مەديسينا قىزمەتكەرلەرى ارنايى كيىممەن جانە قورعانىس قۇرالدارىمەن قامتاماسىز ەتىلگەن. ءبىز قىركۇيەك-قازان ايلارىندا كەلەتىن ەكىنشى تولقىنعا تولىق دايىنبىز" دەلىنگەن اكىم جازباسىندا.

 

 

رەسمي دەرەككە ساي، ەلدە 68 703 ادام كوروناۆيرۋس ىندەتىن جۇقتىرعان. ولاردىڭ ىشىندە 42 388 ادام اۋرۋىنان ايىقتى. ال قايتىس بولعاندار سانى 375 ادامعا جەتتى.