اقمولا وبلىسىنىڭ پوليسيا دەپارتامەنتى 46 ملن تەڭگەگە بەس جەڭىل كولىك ساتىپ الۋ الۋدى جوسپارلاپ وتىر. 

Kaztag اگەنتتىگىنىڭ جازۋىنشا، دەپارتامەنت ءار كولىكتى 9 ملن 205 مىڭ تەڭگەدەن الماق. كولىكتەردىڭ جالپى باعاسى 46 ملن 25 مىڭعا باعالانعان.

مەملەكەتتىك ساتىپ الۋ سايتىنا جاريالانعان لوتقا ءوتىنىم 20 شىلدە ساعات تاڭعى 9 بەن 22 شىلدە 18:00 ارالىعىندا قابىلدانادى.

تەحنيكالىق سيپاتتاماعا ساي، كولىك سەدان، كوروپكاسى اۆتومات، 100 كم/ساع جىلدامدىقتى 12 سەكۋندتا باعىندىرىپ، ماكسيمالدىق جىلدامدىعى 195 كم/ساع بولۋعا ءتيىس.

سونداي-اق سىرتقى ايناسى ەلەكترلىك، ءارى جىلىتقىشى بولۋى كەرەك. الدىڭعى ورىندىقتارى جىلىتىلاتىن، 205/55 R16 ۇلگىلىك دوڭگەلەگى، قوسالدى دوڭگەلەگى، قوسالدى ستوپ بەلگىسى بار، الدىڭعى فارى پروەكسيالىق، ءرولى بىلعارىمەن قامتالۋى مىندەتتى.

بۇعان دەيىن قازاقستاننىڭ قارجى مينيسترلىگى بارلىق مەملەكەتتىك ورگاندار مەن كۆازيمەملەكەتتىك سەكتورعا اۆتوموبيل، ارنايى كولىكتەر مەن قىزمەتتىك كولىكتەر، سونداي-اق كەڭسە جيھازدارىن ساتىپ الۋعا 3 جىلعا موراتوريي ەنگىزىلگەنىن حابارلاعان.

ءموراتورييدىڭ كۇشىنە ەنگەن/ەنبەگەنى ازىرگە بەلگىسىز.