پاندەميا كەزىندە بارلىق جاستاعى ادامدار ءۇشىن مۇمكىندىگىنشە بەلسەندى بولۋ وتە ماڭىزدى. دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) بەلسەندى بولۋ كومپانياسى سىزگە دۇرىس جاتتىعۋ جاساۋعا جانە كوڭىل-كۇيىڭىزدى جاقسارتۋعا كومەكتەسەدى. قامشى ءتىلشىسى ددسۇ رەسمي سايتىنداعى پايدالى جاتتىعۋلار تۋرالى اپقاراتتاردى قازاق تىلىنە اۋدارىپ ۇسىنادى.

ءسىزدىڭ جاس مولشەرىڭىزگە قانداي جاتتىعۋلار ۇسىنىلادى؟

ددCۇ-نىڭ بارلىق جاستاعى ادامداردىڭ دەنساۋلىعى مەن ءال-اۋقاتىن جاقسارتۋ ءۇشىن نە ىستەۋ كەرەكتىگى تۋرالى ۇسىنىمدارى:

1 جاسقا دەيىنگى سابيلەر

• بارلىق نارەستەلەر كۇنىنە بىرنەشە رەت فيزيكالىق بەلسەندى بولۋى كەرەك.

• ءالى قوزعالا المايتىن نارەستەلەرگە وياۋ كەزىندە 30 مينۋتتاي ۋاقىت ەڭبەكتەگەن كۇيىندە، ەدەنگە نەگىزدەلگەن ويىندار ويناتقان ءجون.

5 جاسقا دەيىنگى بالالار

• بارلىق جاس بالالار كۇنىنە كەمىندە 180 مينۋتتى كەز كەلگەن قارقىندا دەنە شىنىقتىرۋدىڭ ءارتۇرلى تۇرلەرىمەن اينالىسۋعا ءتيىس

• 3-4 جاستاعى بالالار بۇل ۋاقىتتىڭ كەم دەگەندە 60 مينۋتىن ورتاشا قارقىندىلىققا جانە فيزيكالىق بەلسەندىلىككە جۇمساۋى كەرەك

5-17 جاس ارالىعىنداعى بالالار مەن جاسوسپىرىمدەر

• بارلىق بالالار مەن جاسوسپىرىمدەر كۇنىنە 60 مينۋتتان ورتاشا جانە كۇشتى فيزيكالىق بەلسەندىلىكپەن اينالىسۋى كەرەك

• مۇندا كەم دەگەندە اپتاسىنا 3 كۇن بۇلشىقەت پەن سۇيەكتى كۇشەيتەتىن ءىس-شارالار بولۋى كەرەك

• كۇن سايىن 60 مينۋتتان ارتىق دەنە شىنىقتىرۋمەن اينالىسۋ دەنساۋلىققا قوسىمشا پايدا اكەلەدى

18 جاستان اسقان ەرەسەكتەر

• بارلىق ەرەسەكتەر اپتا بويى كەم دەگەندە 150 مينۋت ورتاشا قارقىندىلىقپەن نەمەسە اپتا بويى 75 مينۋتتان جوعارى بەلسەندىلىكپەن اينالىسۋى كەرەك.

• دەنساۋلىققا قوسىمشا ارتىقشىلىقتار الۋ ءۇشىن ەرەسەكتەر ورتاشا قارقىندىلىقتاعى فيزيكالىق بەلسەندىلىكتى اپتاسىنا 300 مينۋتقا دەيىن نەمەسە وعان تەڭەستىرۋ كەرەك.

• قاڭقابۇلشىق ەتتەرىنىڭ دەنساۋلىعىن دامىتۋ جانە قولداۋ ءۇشىن بۇلشىقەتتى كۇشەيتەتىن ءىس-شارالار اپتاسىنا 2 نەمەسە ودان دا كوپ مارتە جاسالۋى كەرەك.

• سونىمەن قاتار، قوزعالىسى ناشار ەرەسەك ادامدار بالانىستى ساقتاۋ جاتتىعۋىن جاساۋى كەرەك. بۇل قۇلاۋعا، جاراقات الۋعا جول بەرمەۋ ءۇشىن پايدالى. بۇل جاتتىعۋلار اپتاسىنا 3 نەمەسە ودان دا كوپ كۇن بولىپ، فيزيكالىق بەلسەندىلىكپەن اينالىسۋى كەرەك. 

ايتا كەتەيىك، بۇعان دەيىن پاندەميا كەزىندە فيزيكالىق جاتتىعۋلاردىڭ پايداسى تۋرالى ددسۇ رەسمي سايتىنان اۋدارىپ جاريالاعان بولاتىنبىز.

ال COVID-19 تۋرالى "كوپ سۋ ءىشۋ كوروناۆيرۋستى ەمدەۋگە كومەكتەسە مە؟"، "الكوگول COVID-19-دى ەمدەي مە؟" دەگەن سياقتى ساۋالدار ءۇشىن "كوروناۆيرۋس سۇراق-جاۋاپتارىن" وقۋعا كەڭەس بەرەمىز.

پاندەميا ۋاعىندا دۇرىس تاماقتانۋ دا وتە ماڭىزدى. كوروناۆيرۋس كەزىندە قانداي تاماقتار پايدالى ەكەنىن بىلگىڭىز كەلسە، ددسۇ-نىڭ دۇرىس تاماقتانۋ تۋرالى نۇسقاۋىن وقىڭىز.