NASA "ىقتيمال ءقاۋىپى بار" دەلىنگەن استەرويد كەلەسى اپتادا جەرگە جاقىنداي تۇسەتىنىن مالىمدەدى.

"استەرويد 2020ND" دەپ اتالعان اسپان دەنەسى شامامەن بايتەرەك مونۋمەنتىنەن ەكى ەسەگە جۋىق ۇلكەن. 24 شىلدەدە جەر عالامشارىنا جاقىندايدى دەلىنگەن استەرويدتىڭ ۇزىندىعى – 170 مەتر.

NASA عالىمدارى استەرويدتىڭ جەر وربيتاسىنا قاراي ۇشىپ كەلە جاتقانىن جانە پلانەتامىزدىڭ بار بولعانى 0،034 استرونوميالىق بىرلىگىنىڭ (اب) ىشىندە بولاتىنىن ەسكەرتەدى.

– "ىقتيمال ءقاۋىپتى استەرويدتار" قازىرگى ۋاقىتتا استەرويدتىڭ جەرگە ءقاۋىپ توندىرەتىن جاقىندىق جاساۋ مۇمكىندىگىن ولشەيتىن پارامەترلەر نەگىزىندە انىقتالعان، – دەپ جاريالاعان عارىش اگەنتتىگى.

NASA-نىڭ اقپاراتىنشا، وربيتالىق قاشىقتىق 0،05 استرونوميالىق بىرلىكتەن از بارلىق استەرويدتار "ىقتيمال ءقاۋىپتى استەرويدتار" بولىپ سانالادى.