قازاقستاندا كارانتين كەزىندە توي جاساپ، ساليۋت اتقان تۇركىستان وبلىسى سارىاعاش اۋدانىنىڭ تۇرعىنى انىقتالدى.
وبلىستىق پوليسيا دەپارتامەنتى باسپا ءسوز قىزمەتىنىڭ مالىمەتىنشە، جاس جۇمبايلاردىڭ تويى Instagram جەلىسىنە جاريالانعان. ۆيدەونى كورگەن اۋداندىق پوليسيا ءبولىمىنىڭ قىزمەتكەرلەرى توي ۇيىمداستىرعان تۇرعىندى انىقتاعان.
كارانتين تالابىنا باعىنباعان سارىاعاش اۋدانىنىڭ تۇرعىنى كەلىن ءتۇسىرىپ، تويىندا وتشاشۋ اتقان. ءتارتىپ ساقشىلارى مەن اۋداندىق جەرگىلىكتى ورگانداردان قۇرىلعان ءموبيلدى توپ قىزمەتكەرلەرى وقيعا ورنىنا بارعان. ناتيجەسىندە بەينەجازبا سارىاعاش قالاسىندا تۇسىرىلگەنى انىقتالىپ، توي يەسىنە ءتيىستى شارالار قولدانىلدى.
"تاۋارلار مەن كورسەتىلەتىن قىزمەت ساپاسىنا باقىلاۋ باسقارماسىنىڭ قىزمەتكەرلەرى توي وتكىزگەن ازاماتقا قاتىستى ق ر اقبتك-نىڭ 425-بابى (حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭناما تالاپتارىن، سونداي-اق گيگيەنالىق نورماتيۆتەردi بۇزۋ) بويىنشا اكىمشىلىك حاتتاما تولتىردى. تۇركىستان وبلىسىنىڭ پوليسەيلەرى وبلىس تۇرعىندارىنا ەلىمىزدە ەنگىزىلگەن كارانتين تالاپتارىن ساقتاپ، ءاربىر ازاماتتىڭ ءوز ءومىرى مەن دەنساۋلىعىنا اسا جاۋاپكەرشىلىكپەن قاراۋعا شاقىرادى" دەلىنگەن حابارلامادا.
پىكىر قالدىرۋ