لوندونداعى كورولدىك كوللەدج زەرتتەۋشىلەرى كوروناۆيرۋستىڭ سيمپتومدارى ءارتۇرلى  التى ءتۇرىن انىقتادى.

زەرتتەۋشىلەردىڭ ايتۋىنشا شىققان ناتيجەلەر COVID-19 ىندەتىن كلينيكالىق تۇرعىدا ەمدەۋ كەزىندە ۇلكەن ماڭىزعا يە. سونداي-اق ناتيجەلەر دارىگەرلەرگە كىمنىڭ ومىرىنە قانشالىقتى ءقاۋىپ ءتونىپ تۇرعانىن جانە ولاردىڭ اۋرۋحانا قىزمەتىنە مۇقتاج ەكەنىن انىقتاۋعا كومەكتەسەدى.  

دەسە دە، توقتاۋسىز جوتەل، مۇرىننىڭ ءيىس سەزبەۋى نەگىزىندە COVID-19 سيمپتومدارىنىڭ ءۇش نەگىزگى بولىگى بويىنشا انىقتالادى. جينالعان مالىمەتتەردى الىپ قارايتىن بولسا، ادامدار ءارتۇرلى سيمپتومداردى سەزىنە الادى، ونىڭ ىشىندە باس اۋىرۋى، بۇلشىقەت اۋرۋى، شارشاۋ، ديارەيا، تابەتتىڭ جوعالۋى جانە ت.ب.

سيمپتومداردىڭ ءبىر ۋاقىتتا پايدا بولا الاتىنىنىن جانە بۇل پروگرەسسيۆتى اۋرۋدىڭ ورشۋىمەن قانشالىقتى بايلانىستى ەكەنىن انىقتاۋ ءۇشىن زەرتتەۋشىلەر توبى  ماشينالىق وقىتۋ الگورتيمىن پايدالانعان. ۇلىبريتانيا مەن اقش-تىڭ كوروناۆيرۋس جۇقتىرعان 1600 قولدانۋشىسىنان سىناما الىنىپ، ولاردى ءناۋرىز-ساۋىر ايىندا تولىقتاي باقىلاپ، تىركەپ وتىرعان. 

تالداۋ قورىتىندىلارى اۋرۋدىڭ ءورشۋى كەزىندە پايدا بولاتىن كوروناۆيرۋستىڭ التى ءتۇرىن انىقتاپ بەردى:

♦ تۇماۋ سەكىلدى دەنە قىزۋى جوق: باس اۋرۋى، ءيىس سەزبەۋ، بۇلشىقەت اۋرۋى، تاماق اۋرۋى، كەۋدە تۇسىنىڭ اۋرۋى.

♦ تۇماۋ سەكىلدى دەنە قىزۋى بار: باس اۋرۋى، ءيىس سەزبەۋ، جوتەل، تاماق اۋرۋى، داۋىستىڭ قارىلۋى، دەنە قىزۋى، تابەتتىڭ جوعالۋى.

♦ اسقازان-ىشەك جولى ارقىلى: باس اۋرۋى، ءيىس سەزبەۋ، تابەتتىڭ جوعالۋى، ديارەيا، تاماق اۋرۋى، كەۋدە تۇسىنىڭ اۋرۋى، جوتەلدىڭ بولماۋى.

♦ ءبىرىنشى اۋىر دەڭگەي شارشاۋ: باس اۋرۋى، ءيىس سەزبەۋ، جوتەل، دەنە قىزۋى، داۋىستىڭ قارىلۋى، كەۋدە تۇسىنىڭ اۋرۋى، شارشاۋ.

♦ ەكىنشى اۋىر دەڭگەي، اقىل-ەستىڭ شاتاسۋى: باس اۋرۋى، ءيىس سەزبەۋ، تابەتتىڭ جوعالۋى، جوتەل، دەنە قىزۋى، تاماقتىڭ اۋرۋى، كەۋدە تۇسىنىڭ اۋرۋى، شارشاۋ، اقىل-ەس شاتاسۋى، بۇلشىقەت اۋرۋى.

♦ءۇشىنشى اۋىر دەڭگەي، قۇرساق پەن تىنىس الۋ: باس اۋرۋى، ءيىس سەزبەۋ، تابەتتىڭ جوعالۋى، جوتەل، دەنە قىزۋى، تاماقتىڭ اۋرۋى، كەۋدە تۇسىنىڭ اۋرۋى، شارشاۋ، اقىل-ەس شاتاسۋى، بۇلشىقەت اۋرۋى، دەم جەتپەۋ، ديارەيا، ءىش اۋرۋى.

ارتىنشا عالىمدار جەكەلەگەن سيمتومداردى باستان كەشىرۋشىلەر جەلدەتكىش پەن قوسىمشا وتتەگىگە مۇقتاج بولاتىنىن زەرتتەدى. بۇل ناۋقاستىڭ قاي بولىمگە جاتاتىنىن تەز انىقتاۋعا كومەكتەسەدى.

– بۇل ناتيجەلەر ناۋقاستارعا مونيتورينگ جاساپ، ۇزدىكسىز باقىلاۋعا الىپ وتىرۋ ءۇشىن ۇلكەن سەپتىگىن تيگىزەدى. ءبىزدىڭ بولجامدى ناقتى ەتۋ ءۇشىن ۋاقىت اعىمى بويىنشا سيمپتومداردىڭ وزگەرىسكە ۇشىراۋى ماڭىزدى. ول بىزگە ءار ناۋقاستىڭ اۋرۋ تاريحىن بىلۋگە كومەك بەرەدى، سول ارقىلى ناۋقاستار دا جاقسى ەم شارالارىن قابىلدايدى، – دەدى دارىگەر كلەر ستيۆس.

زەرتتەۋ تاۋەلسىز زەرتتەۋشىلەر تاراپىنان ءالى ماقۇلدانعان جوق.