الماتىدا زيراتتىڭ ەكى قىزمەتكەرى جەرلەۋ جۇمىستارى ءۇشىن قوسىمشا 70-80 مىڭ تەڭگە زاڭسىز تالاپ ەتكەن. بۇل تۋرالى Polisia.kz حابارلادى.

پوليسياعا 8 ادام ارىزدانىپ كەلگەن. ولاردىڭ ايتۋىنشا، زيرات قىزمەتكەرلەرى جەرلەۋ جۇمىستارى ءۇشىن قوسىمشا 70-80 مىڭ تەڭگە تولەۋدە تالاپ ەتكەن. قابىرشىلەر تۇبىرتەك بەرمەگەن. اقشانى زيرات كاسىپورنىنىڭ قىزمەتكەرلەرى زاڭسىز پايدالانعانى انىقتالدى.

– جاقىن ادامدارىنان ايىرىلىپ، قايعى-قاسىرەتكە دۋشار بولعاندار تەك ماتەريالدىق قانا ەمەس، مورالدىق تۇرعىدا دا زارداپ شەكتى. قابىلدانعان شارالار ناتيجەسىندە پوليسيا قىزمەتكەرلەرى ءوز ىس-ارەكەتىن مويىنداعان ەكى تۇرعىندى انىقتاپ، قاماۋعا الدى، – دەدى تەرگەۋشىلەر. 

قازىرگى ۋاقىتتا جابىرلەنۋشىلەر مەن كۇدىكتىلەردىڭ قاتىسۋىمەن تەرگەۋ شارالارى جۇرگىزىلىپ جاتىر. وسىنىڭ ناتيجەسىندە ءاربىر كىنالى ادامنىڭ ىس-ارەكەتىنە جەكە-جەكە قۇقىقتىق باعا بەرىلەدى. سونىمەن قاتار، جەرلەۋ كەزىندە اقشانى زاڭسىز جيناۋدىڭ الدىن الۋ ءۇشىن باسقا دا جەرلەۋ ورىندارى تەكسەرىلەدى.