جاس عالىم، حيميك جەكسەن توقتارباي قامشى تىلشىسىنە KFC كومپانياسى ەندى "بولاشاقتىڭ رەستورانى" باستاماسىمەن لابوراتوريادا وندىرىلگەن جاساندى ەتتەردى قولدانىسقا ەنگىزگەلى جاتقانىن ايتتى.

ونىڭ سوزىنشە، جاساندى ەت تاۋىقتىڭ جاسۋشالارى ارقىلى لابوراتوريادا جاسالىپ، ارى قاراي̆ 3D بيوپرينتەردىڭ كومەگىمەن ناگەتتەرگە (ءسۇي̆ەكسىز ەت) اي̆نالدىرىلادى. وسىلاي̆شا، KFC كومپانياسى الەمدە ءبىرىنشى بولىپ تاۋىقتىڭ جاساندى ەتتەرىن قولدانىسقا ەنگىزبەك.

– اقش-نىڭ تاعام وندىرەتىن ءاي̆گىلى كومپانياسى جاساندى ەت وندىرەتىن جەر رەتىندە ماسكەۋدى تاڭداپتى. ولار 2013 جىلى قۇرىلعان رەسەي̆دەگى ەڭ ۇلكەن مەديسينا كومپانياسىمەن بىرلەسىپ، 3D ەرىتىندىلى-بيوپرينتەر كومەگىمەن لابوراتوريادا جاسالعان ەتتى تاۋىقتىڭ ناگەتتەرىنە اي̆نالدىرىپ، تاراتپاقشى. رەسەي̆لىك كومپانيا KFC-دەن ۇلكەن تاپسىرىس العانىنا قۋانىپ كەتسە كەرەك، "جاساندى تاۋىق ەتى 2020 جىلدىڭ كۇزىندە-اق KFC رەستوراندارىندا پاي̆دا بولادى" دەپ ۋادە بەرىپ وتىر. بيوپرينتەر كومپانياسىنىڭ باسشىسى كاسىپكەر – يۋسۋف قەسۋاني، –  دەيدى ول.

عالىمنىڭ ايتۋىنشا، KFCء-دىڭ رەسەي̆ جانە تمد ەلدەرى بوي̆ىنشا ديرەكتورى راي̆سا پولياكوۆا جاساندى ەت جاساۋدا وزىق تەحنولوگيا قولدانىلاتىنىن ايتقان.

حيميك جاساندى ەت جاساۋدىڭ قاجەتتىلىگىن بىلاي دەپ ءتۇسىندىردى.

– الەمدى بيلەۋشىلەر جەر شارى، ەكولوگيانى باستى ورىنعا قويادى. ويتكەنى جەر شارى ولاردىڭ ۇرپاقتارى ءۇشىن ءومىر سۇرۋگە قاجەت. زەرتتەۋلەر كورسەتكەندەي ءتورت تۇلىك مال الەمدىك جىلىنۋعا اكەلىپ سوعاتىن گازدى تاراتۋدان 4-ورىندا تۇرادى ەكەن. ال گاز شىعاراتىن جانۋارلار ەتىنىڭ ورنىنا جاساندى ەت پايدالانىلسا، الەمدىك جىلىنۋعا اكەلەتىن گاز 96 پايىزعا دەي̆ءىن تومەندەيدى. جەر 99 پايىزعا از پاي̆دالانىلىپ، سۋ 96 پايىزعا ۇنەمدەلەدى. ءبىراق جاساندى ەتتىڭ ازىرگە دەنساۋلىققا اسەرى تولىق زەرتتەلگەن جوق. مۇمكىن زەرتتەۋگە تىي̆ىم سالىناتىن دا شىعار، – دەپ اتاپ ءوتتى جەكسەن توقتارباي.