شىعىس قازاقستان وبلىسىندا 6-18 جاس ارالىعىنداعى اتاۋلى الەۋمەتتىك كومەك الاتىن 14369 بالاعا، سونداي-اق 47245 مۇمكىندىگى شەكتەۋلى جان مەن 16 جاسقا دەيىنگى مۇگەدەكتىگى بار 5017 بالاعا جانە مۇگەدەك بالا تاربيەلەپ وتىرعان 5220 ادامعا، سونىمەن قاتار جۇمىسپەن قامتۋ ورتالىقتارىندا تىركەلگەن 7195 ازاماتقا ازىق-تۇلىك سەبەتى تاراتىلادى.

بۇل تۋرالى شقو اقپاراتتىق ورتالىعىندا وتكەن بريفينگ بارىسىندا جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسى باسشىسىنىڭ ورىنباسارى دوسحان قايىرعازينوۆ ءمالىم ەتتى.

وبلىس بويىنشا 79 مىڭ ادامعا 5567 تەڭگەدەن بەرىلەدى. سەبەبى ەڭ قاجەتتى ازىق-تۇلىكتى ساتىپ الۋ ءۇشىن وسىنشا قاراجات كولەمى جەتكىلىكتى. وسى ماقساتتا 440 ميلليون تەڭگە قاراستىرىلىپ وتىر. 

– قازىرگى ۋاقىتتا 7196 ادامعا ازىق-تۇلىك سەبەتىنىڭ اقشاسى بەرىلدى. وعان 40،1 ميلليون تەڭگە جۇمسالدى، –  دەدى دوسحان قايىرعازينوۆ.