وتكەن تاۋلىكتە 1687 ادامىنان كوروناۆيرۋس تابىلعان سوڭ قازاقستان COVID-19 جۇقتىرعاندار سانى جونىنەن الەم ەلدەرىنىڭ اراسىندا ءبىر ساتى جوعارىلاپ، 28-ورىنعا جايعاستى. سوڭعى اقپاراتقا ساي، ەلدە ۆيرۋس جۇقتىرعاندار سانى 78 مىڭنان استى. 

ستاتيستيكادا قازاقستاننان ءبىر ساتى جوعارى تۇرعان شۆەسيادا دا، ءبىر ساتى تومەن تۇرعان ەكۆادوردا دا جۇقتىرعاندار سانى شامالاس – 78 مىڭنىڭ ۇستىندە. 

جۇقتىرعاندار سانى جونىنەن دە، ءولىم بويىنشا دا اقش كوش باستاپ تۇر. ەلدە وسى ۋاقىتقا دەيىن 4،2 ميلليونعا جۋىق ادامنان كوروناۆيرۋس انىقتالىپ، ولاردىڭ 147 مىڭنان استامى كوز جۇمعان. 

كوروناۆيرۋسقا بايلانىستى الەم ەلدەرىنىڭ ستاتيستيكاسىن جاريالاپ وتىراتىن Worldometers.info سايتىنىڭ 24 شىلدە تاڭەرتەڭگى دەرەگى بويىنشا، دۇنيەجۇزىندە 15،7 ميلليونعا جۋىق ادامعا COVID-19 جۇققان. وسى ۋاقىتقا دەيىن ولاردىڭ 636 مىڭنان استامى كوز جۇمعان.