تۇركىستان وبلىسى اكىمىنىڭ ورىنباسارى ساكەن قالقامانوۆ وبلىستاعى شورناق اۋىلىنداعى جانجالدان كەيىن وزگە اۋىلداردان كەلگەن 80 ادامنىڭ ۇستالعانىن حابارلادى.
"وتكەن تۇندە قۇقىق قورعاۋ ورگاندارى شورناق اۋىلىنا وزگە اۋىلدار مەن ايماقتاردان كەلگەن 80 جاس جىگىتتى ۇستادى. ولار الەۋمەتتىك جەلى مەن مەسسەندجەرلەر ارقىلى تاراعان فەيك شاقىرۋعا دۇرلىگىپ كەتكەن. ءبىز كەنتاۋ اكىمىمەن بىرگە ءتۇنى بويى اۋىلدى ارالاپ شىقتىق. تۇرعىندار ءتۇنى تىنىش ءوتتى" دەلىنگەن اكىم ورىنباسارىنىڭ facebook-تاعى جازباسىندا.
كەشە، تۇركىستان وبلىسى كەنتاۋ قالاسىنا قاراستى شورناق اۋىلىندا اۋىل تۇرعىندارىنىڭ اراسىندا توبەلەس بولعانى حابارلاندى. الەۋمەتتىك جەلى قولدانۋشىلارى توبەلەستىڭ ۇلتارالىق سيپاتى بار ەكەنىن، جانجال قازاق-وزبەك اراسىندا بولعانىن ايتسا، جەلگىلىكتى پوليسيا دەپارتامەنتى تاراتقان حابارلامادا "شورناق اۋىلىندا تۇرمىستىق جانجال بولدى" دەلىنگەن.
پرەزيدەنت وقيعاعا بايلانىستى وتكەن جيىندا ايماقتاعى حالىقتىڭ الەۋمەتتىك-ەكونوميكالىق قاجەتتىلىكتەرىنە نازار اۋدارۋ كەرەك ەكەنىن ايتىپ، جانجال قايتالانادى دەۋگە نەگىز جوق ەكەنىن مالىمدەدى.
پىكىر قالدىرۋ