الماتى قالاسىنا كوروناۆيرۋسپەن كۇرەسكە كومەك كورسەتۋ ءۇشىن رەسەيدەن ءبىر توپ مامان كەلدى. بۇل تۋرالى قالا اكىمى باقىتجان ساعىنتايەۆ ءىnstagram-داعى پاراقشاسىندا جازدى.
«باۋىرلاس قالالاردىڭ ىنتىماقتاستىعى تۋرالى كەلىسىمشارت شەڭبەرىندە ماسكەۋدەن الماتىعا COVID-19 كۇرەسكە كومەك كورسەتۋ ءۇشىن ءبىر توپ مامان كەلدى. ونىڭ قۇرامىندا دەنساۋلىق ساقتاۋ سالاسىنىڭ ۇيىمداستىرۋشىلارى، ينفەكسيونيستەر، ەپيدەميولوگتار، انەستەزيولوگتار، ريەۆماتولوگتار مەن پۋلمونولوگتار بار»،– دەپ جازدى باقىتجان ساعىنتايەۆ.
مامانداردىڭ ءبىر توبى ينفەكسيالىق ستاسيونارلاردىڭ جۇمىسىن، اۋىر ناۋقاستاردىڭ ەمدەلۋ حاتتامالارىن جانە پاسيەنتتەردى ورنالاستىرۋ جۇمىستارىن باعالايدى.
قالعان توپ قوعامدىق دەنساۋلىق باسقارماسىنىڭ ۇيىمداستىرۋ ماسەلەلەرىن، بارلىق دەڭگەيدەگى كۆي-دەن ەمدەلۋشىلەرگە مەديسينالىق قىزمەتتىڭ كورسەتىلۋ دەڭگەيىنە ءمان بەرمەك.
«ال زەرتحانالىق زەرتتەۋلەر جۇرگىزۋ، جاڭا ستاسيونارلاردى ۇيىمداستىرۋ جانە وتتەگى گازدارىمەن ەمدەۋ ماسەلەلەرى جەكە پىسىقتالادى. سونداي-اق موسسانەپيدقاداعالاۋدىڭ ەپيدەميولوگتارى الماتىلىق ارىپتەستەرىمەن پىكىر الماسىپ، كەڭەس بەرەدى»،– دەپ اتاپ ءوتتى اكىم.
پىكىر قالدىرۋ