بەلگىلى اكادەميك، عالىم، ەكونوميست كەنجەعالي ساعادييەۆ 82 جاسىندا قايتىس بولدى. 

"25 شىلدەدە 82 جاستاعى اكادەميك كەنجەعالي ابەن ۇلىنىڭ جۇرەگى سوعۋىن توقتاتقانىن قايعىرا حابارلايمىز. وكىنىشكە قاراي، ەلدى جايلاعان ىندەت ءبىزدىڭ اۋلەتتى دە اينالىپ وتپەدى. ونى بىلەتىندەرگە ونىڭ اسا اقىلدى، كەڭپەيىل، جاقىندارىنا قامقور بولعانى ءمالىم. ۇلى ادام ۇلى عۇمىر كەشتى. جەرلەۋ ءراسىمى تەك جاقىندارىنىڭ قاتىسۋىمەن بولادى. قوشتاسۋ راسىمىنە بايلانىستى شارالار تۋرا ءبىر جىلدان كەيىن 2021 جىلدىڭ 25 شىلدەسىندە ۇيىمداستىرىلادى. بۇل كەنجەعالي ابەن ۇلىنىڭ سوڭعى اماناتى. ۋاقىت پەن وتەتىن ورىن قوسىمشا حابارلانادى" دەلىنگەن ساعادييەۆتەر اۋلەتى تاراتقان حابارلامادا. 

كەنجەعالي ساعادييەۆ 1938 جىلى 18 اقپاندا قوستاناي وبلىسىنىڭ جانگەلدين اۋدانىندا دۇنيەگە كەلگەن.

1960 جىلى قازمۋ-دى ءتامامداعان.

1960-1963 جىلدارى قازمۋ-دە اسسيستەنت، اعا وقىتۋشى، 1963-1966 جىلدارى ماسكەۋ حالىق شارۋاشىلىعى ينستيتۋتىنىڭ اسپيرانتى، 1966 جىلدان الماتى حالىق شارۋاشىلىعى ينستيتۋتىندا عىلىمي-پەداگوگيكالىق جانە باسشىلىق قىزمەتتەر اتقاردى.

1982-1990 جىلدارى سەلينوگراد اۋىل شارۋاشىلىعى ينستيتۋتىنىڭ رەكتورى، 1990-1994 جىلدارى قازاق مەملەكەتتىك ەكونوميكالىق ۋنيۆەرسيتەتىنىڭ (1993 جىلدان قازاق مەملەكەتتىك باسقارۋ اكادەمياسى) رەكتورى، 1994-1996 جىلدارى ق ر ۇعا پرەزيدەنتى، 1996-2004 جىلدارى قازاق مەملەكەتتىك اگرارلىق ۋنيۆەرسيتەتتىڭ، حالىقارالىق بيزنەس ۋنيۆەرسيتەتىنىڭ رەكتورى، 2004 جىلدان ق ر پارلامەنتى ءماجىلىسىنىڭ دەپۋتاتى بولدى.

2007 جىلدان – "نۇر وتان" حدپ ءتىزىمى بويىنشا ق ر پارلامەنتى ءماجىلىسى 4ء-شى شاقىرىلىمىنىڭ دەپۋتاتى، ەكولوگيا ماسەلەلەرى جانە تابيعات پايدالانۋ كوميتەتىنىڭ مۇشەسى، سالىق سالۋ "كاگەپەگدۋ" اسسوسياسياسى ۇيلەستىرۋ كەڭەسىنىڭ ءتوراعاسى بولدى.

1977 جىلى ەكونوميكا عىلىمىنىڭ دوكتورى، 1978 جىلى پروفەسسور، 1994 جىلى ۇعا-نىڭ اكادەميگى، 1996 جىلى قازاقستاننىڭ ەڭبەك سىڭىرگەن عىلىم مەن تەحنيكا قايراتكەرى اتاقتارىن العان.