الماتىدا كۇزگى-قىسقى ماۋسىمدا سۇرانىس وسكەن جاعدايدا توسەك-ورىن قورى ارتاتىن بولادى. بۇل تۋرالى قالا اكىمى باقىتجان ساعىنتايەۆ «الماتى» تەلەارناسىندا وتكەن Akimat Live باعدارلاماسىنىڭ تىكەلەي ەفيرىندە ايتتى.

بۇگىنگى كۇنى قالادا COVID-19-دىڭ 9851 وقيعاسى تىركەلگەن. تاۋلىك ىشىندە 216 جاڭا وقيعا انىقتالعان. قازىرگى كەزدە 5796 ادام ساۋىعىپ شىقتى، ال تاۋلىك ىشىندە ساۋىققاندارى – 129 پاسيەنت. كوروناۆيرۋس ىندەتىنەن 73 ادام (ساراپتامادان وتكەندەر) قايتىس بولدى.

«تج جاريالانعان كەزدە بىزدە جالپى سىيىمدىلىعى 500 توسەك-ورىندىق ەكى ستاسيونار عانا جۇمىس ىستەپ تۇردى. بۇگىنگى كۇنى توسەك-ورىنداردىڭ سانى 6096-عا جەتتى»، — دەدى ب. ساعىنتايەۆ.

سونىمەن قاتار، ول الداعى 1،5-2 اي ىشىندە COVID-19-بەن اۋىرعاندار ءۇشىن ستاسيونارلارداعى توسەك-ورىنداردىڭ 7700-گە دەيىن ارتاتىنىن اتاپ ءوتتى.

ايتا كەتەرلىگى، توسەك-ورىندىق قوردى ۇلعايتۋ جانە ناۋقاستاردى ەمدەۋ ورىندارىنا جەتكىزۋدى ەشەلونداۋ بارىسىندا كوۆيدتى ستاسيونارلاردىڭ جۇكتەمەسى 90 پايىزدان 48 پايىزعا تومەندەدى. اكىم ايتىپ وتكەندەي، اۋىر ناۋقاستاردىڭ سانىن ازايتۋعا بارلىق كۇش جۇمىلدىرىلدى ءارى بۇل وڭ ناتيجەسىن بەردى.

الداعى كۇندەرى جاڭا كوۆيدتىك ستاسيونارلار ىسكە قوسىلاتىن بولادى، بۇلار دەنساۋلىق ساقتاۋ نىساندارىنىڭ بازاسىندا اشىلادى جانە سانيتارلىق-ەپيدەميولوگيالىق اۋديتتەن الدىن الا وتەدى. قالانىڭ ءتيىستى قىزمەتتەرى قازىرگى كەزدە شيپاجايلاردا قوسىمشا توسەك-ورىندار دايىنداۋدا، ياعني «قازاقستاندا» 250 توسەك-ورىن، «كوكتەمدە» 376 توسەك-ورىن، «سامال» پانسيوناتىندا 140 توسەك-ورىن، «استانا» قوناق ۇيىندە 230 توسەك-ورىن، قازاتك جاتاقحاناسىدا 360 توسەك-ورىن، ۇوس مۇگەدەكتەرىنە ارنالعان رەسپۋبليكالىق كلينيكالىق گوسپيتالدە 100 توسەك-ورىن، ارناۋلى الەۋمەتتىك قىزمەت كورسەتۋ ورتالىعىندا 500 توسەك-ورىن بولادى. بۇل جاڭا ستاسيونارلار تامىز ايىنىڭ سوڭىنا دەيىن كەزەڭ-كەزەڭمەن ىسكە قوسىلادى.

ايتا كەتەرلىگى، اكىمدىك انا مەن بالانىڭ دەنساۋلىعىن قورعاۋعا ەرەكشە نازار اۋدارۋدا. بارلىق ايەل-انانىڭ بۇگىنگىدەي پاندەميا كەزەڭىندە ءقاۋىپسىز جاعدايدا بوسانۋى، بوسانعانعا دەيىن جانە بوسانعاننان كەيىن دە تۇراقتى كۇتىم الۋى ماڭىزدى. قالادا بوساناتىن ايەلدەر ءۇشىن №4 پەرزەنتحانادا 45 توسەك-ورىن جابدىقتالعان. جاقىن ارادا وسى پەرزەنتحانانىڭ 60 توسەك-ورىنعا ارنالعان جاڭا كورپۋسى ىسكە قوسىلادى. سوندا مۇنداعى جالپى ورىن سانى 105-كە جەتەدى.

پاسيەنتتەردى شۇعىل ورنالاستىراتىن ۋاقىتشا ستاسيونارلارعا كۇندەلىكتى مونيتورينگ جۇرگىزىلەدى. قىسقا مەرزىمدە جاڭا ستاسيونارلار اشىلادى، جانە قاجەتتى قۇرالدارمەن جابدىقتالاتىن بولادى. جاڭادان ىسكە قوسىلاتىن نىساندار ىشتەرى قايتا جوسپارلانادى، شليۋزدەر ورناتىلىپ،بوكستار وقشاۋلانادى. بارلىق دەڭگەيدەگى مەديسينالىق كومەك كورسەتۋدىڭ تيىمدىلىگىن ارتتىرۋ ءۇشىن دەنساۋلىق ساقتاۋ جۇيەسىنە وزگەرىستەر ەنگىزىلەدى.

كۇزگى-قىسقى ماۋسىم ماۋسىمنىڭ الدىندا قوسىمشا توسەك-ورىندار قاجەت بولسا بارلىق شارالار ۋاقتىلى ءارى پارمەندى تۇردە جۇرگىزىلەتىن بولادى.