COVID-19 بەن كۇرەس، قالعان بارلىق شىعىندار قىسقارادى. بۇل تۋرالى قالا اكىمى باقىتجان ساعىنتايەۆ «الماتى» تەلەارناسىندا وتكەن Akimat Live باعدارلاماسىنىڭ تىكەلەي ەفيرىندەگى سۇراقتارعا جاۋاپ بەرۋ كەزىندە ايتتى.

قالا اكىمى ءبىرىنشى كەزەكتە كوروناۆيرۋسقا قارسى كۇرەس ەكەنىن اتاپ ءوتتى. وسىعان بايلانىستى بيۋدجەتتىڭ بارلىق باسىم ەمەس شىعىندارى قىسقارىپ، قاراجات كوۆيدكە قارسى شارالارعا باعىتتالادى.

ونىڭ ايتۋىنشا، بۇرىن جوسپارلانعان قۇرىلىس جوبالارىن كەلەسى جىلعا قالدىرۋعا بولادى.

«پاندەميا باستالعاننان كەيىن ءبىز بىردەن بارلىعىن (پاندەميامەن كۇرەسكە قاتىسى جوق جوبالاردى) توقتاتتىق. كەلەسى جىلعا دەيىن پاندەميا سوزىلمايدى دەپ ۇمىتتەنەمىز. كەلەسى جىلى جەڭىل بولادى جانە ءبىز جوسپارلانعان قۇرىلىس جوبالارىن قايتا جانداندىرامىز»، — دەدى اكىم.

سونداي-اق ول سپورتتىق-مادەني ءىس-شارالار توقتاتىلعانىن اتاپ ءوتتى.
جالپى، كوروناۆيرۋسپەن كۇرەسكە (اعىمداعى جىلدىڭ ناۋرىز ايىنان باستاپ) شامامەن 60 ملرد تگ ءبولىندى، ونىڭ ىشىندە ۇكىمەت تاراپىنان 11،5 ملرد تگ ءبولىندى. بۇل قاراجات مىناداي شارالاردى ىسكە اسىرۋعا باعىتتالدى: الەۋمەتتىك ماڭىزى بار ازىق-تۇلىك تاۋارلارىنا باعانى تۇراقتاندىرۋ؛ جەكە قورعانىس قۇرالدارىن ساتىپ الۋ؛ كىرەبەرىستەردى، اۋلا اۋماقتارىن جانە كوشەلەردى دەزينفەكسيالاۋ جانە ت. ب.

سونىمەن قاتار، وسى جىلدىڭ 16 شىلدەسىندە ءماسليحات اعىمداعى جىلدىڭ قالالىق بيۋدجەتىن ناقتىلاۋ تۋرالى قاۋلى قابىلدادى، ونىڭ اياسىندا كۆي-مەن كۇرەسۋگە 30 ميللياردتان استام تەڭگە ءبولىندى. ونىڭ ىشىندە كوۆيدتى گوسپيتالداردى دارىلىك پرەپاراتتارمەن قامتاماسىز ەتۋ ءۇشىن تۇراقتاندىرۋ جانە رەزەرۆتىك قورلار قۇرۋعا جانە فارماسيەۆتيكالىق كومپانيالارعا پايىزسىز كرەديت بەرۋگە باعىتتالعان. سونداي-اق «حالىق ارەنا» بازاسىندا جۇمىس ىستەپ تۇرعان جانە قۇرىلىپ جاتقان كوۆيدتى ستاسيونارلار، وقكا رەانيماسياسى، كلينيكالىق-دياگنوستيكالىق زەرتحانا جانە جۇقپالى اۋرۋلار اۋرۋحاناسى ءۇشىن مەديسينالىق جابدىقتار ساتىپ الۋعا قاراجات ءبولىندى.