ءماجىلىس ءتوراعاسى نۇرلان ءنىعماتۋليننىڭ پىكىرىنشە، پارلامەنت سەسسياسى اياقتالعاننان كەيىن ءداستۇرلى تۇردە ۇيىمداستىرىلاتىن دەپۋتاتتاردىڭ ايماقتارداعى جۇمىسى بيىل ەرەكشە ماڭىزعا يە.

ءقازىر تەك قازاقستاندا عانا ەمەس، بۇكىل الەمدە ورىن العان كوروناۆيرۋس ىندەتى بارلىق قىزمەت سالالارىندا، ونىڭ ىشىندە دەپۋتاتتاردىڭ جۇمىسىنا ءوز اسەرىن تيگىزدى.

ءماجىلىس ءتوراعاسى نۇرلان نىعماتۋلين جىل سايىن دەپۋتاتتاردىڭ ءداستۇرلى تۇردە ۇيىمداستىرىلاتىن ايماقتارعا ساپارى وزگەرىپ، ءماجىلىس دەپۋتاتتارى وڭىرلەردە قوعامدىق باقىلاۋ اياسىندا كوروناۆيرۋس ىندەتىمەن كۇرەسكە ارالاسىپ جۇرگەنىن ايتتى.

«پارلامەنتتىك دەمالىس» - بۇل قالىپتاسقان تۇسىنىك. سەبەبى، جۇمىس جالعاسۋدا.تەك جۇمىس بارىسى پارلامەنت قابىرعاسىنان ايماقتارعا اۋىستى.بيىل ءبىز ماجىلىسمەندەردىڭ ءداستۇرلى كەزدەسۋلەرىنىڭ فورماتىن وزگەرتتىك. باستى ماقساتىمىز ساقتالدى. ول - ەلىمىزدىڭ بارلىق شەت جانە شالعاي اۋىلارىنا بارۋ. دەپۋتاتتار قوعامدىق باقىلاۋ اياسىندا ءدارىحانالار جەلىلەرىنە مونيتورينگ جۇرگىزىپ، اۋرۋحانالاردى ارالادى. حالىقتى قاجەتتى دارى-دارمەكتەرمەن قامتاماسىز ەتۋدى باقىلاۋعا الىپ، دارىگەرلەردىڭ جۇمىس جاعدايلارىمەن تانىستى. ماجىلىسمەندەر گۋمانيتارلىق كومەكتىڭ جەتكىزىلۋى مەن تاراتىلۋىن قاداعالاپ،كومەككە مۇقتاج تۇرعىنداردىڭ وتىنىشتەرىن قابىلدادى. دەپۋتاتتار ۆولونتەرلىك ورتالىقتاردىڭ جۇمىسىنا دا بەلسەندى قاتىسۋدا. بۇگىنگى تاڭدا ماجىلىسمەندەردىڭ بەلسەندى جۇمىسىن الەۋمەتتىك جەلىلەردەن بايقاۋعا بولادى. ءبىزدىڭ كوپتەگەن ارىپتەستەرىمىز Facebook-تەگى پاراقشالارىندا ايماقتارداعى جۇمىستارى تۋرالى ۇنەمى جاريالاپ وتىرادى. مىسالى، دەپۋتاتتار نۇرتاي سابيليانوۆ، سنەجاننا يماشيەۆا، ازات پەرۋاشيەۆ، ايگۇل نۇركينا، گۇلنار بيجانوۆا، يرينا سميرنوۆا، زاۋرەش امانجولوۆا، ايقىن قونىروۆ، ماگەررام ماگەرراموۆ، نۇرجان التايەۆ، مەرۋەرت قازبەكوۆا جانە باسقالار، - دەپ اتاپ ءوتتى نۇرلان نيگماتۋلين.

سونىمەن بىرگە، ءماجىلىس ءتوراعاسى دەپۋتاتتار قايىرىمدىلىق كومەك كورسەتىپ جاتقاندىعىن، سونداي-اق، حالىققا قولداۋ كورسەتۋ ءۇشىن قايىرىمدىلىق جوبالارىنا قاتىسىپ جاتقاندارىن دا ايتتى.

ءماجىلىس ءتوراعاسى سەسسيا بارىسىندا دەپۋتاتتار مەملەكەت باسشىسى قاسىم-جومارت توقايەۆتىڭ كوروناۆيرۋستىڭ تارالۋىنا قارسى تۇرۋ، ىندەت كەزىندە جانە جالپى ەلدىڭ داعدارىسقا قارسى دامۋى جونىندەگى باستامالارىن زاڭنامالىق قولداۋدى قامتاماسىز ەتۋ ماقساتىندا زاڭناماعا ءبىرقاتار تۇزەتۋلەر قابىلداعانىن اتاپ ءوتتى. بۇل ەڭ الدىمەن، سالىق سالۋ جانە الەۋمەتتىك تولەمدەر ماسەلەلەرىنە قاتىستى.

سونىمەن بىرگە، نۇرلان نىعماتۋلين ءقازىر الەۋمەتتىك جەلىلەردە دەپۋتاتتاردىڭ شەتەلدە دەمالىپ جۇرگەنى تۋرالى اقپاراتقا نازار اۋداردى.

- ءقازىر الەۋمەتتىك جەلىلەردە كەيبىر ارىپتەستەرىمىزدىڭ شەتەلدە دەمالىپ جاتقاندىعى تۋرالى اقپارات قىزۋ تالقىلانۋدا. چارتەرلىك رەيس ۇيىمداستىرىلعان دەگەن جالعان اقپارات تا تارادى. سوندىقتان، مەن بۇل اقپاراتتىڭ شىندىققا سايكەس كەلمەيتىنىن انىق جانە ناقتى ايتقىم كەلەدى. قازىرگى كەزەڭدە بارلىق دەپۋتاتتار ەلدە، حالىققا وسى قيىن كەزەڭنەن وتۋگە كومەكتەسۋدە. ءبىزدىڭ كوپتەگەن ارىپتەستەرىمىزدىڭ وزدەرى اۋىردى. كەيبىرى جاقىندارىنان ايرىلدى. ءبىراق، وسى قيىندىقتارعا قاراماستان، ءبىزدىڭ ايماقتارداعى جۇمىسىمىز جالعاسۋدا. بۇل الداعى پارلامەنت سەسسياسىندا قاجەتتى زاڭناماعا وزگەرىستەر ەنگىزۋ كەرەكتىگىن تالداۋعا مۇمكىندىك بەرەدى. ءقازىردىڭ وزىندە زاڭنامالىق قورجىندا ونداعان جاڭا زاڭ جوبالارى بار، - دەدى ءماجىلىس ءتوراعاسى.

سونىمەن قاتار، نۇرلان نىعماتۋلين ءماجىلىس دەپۋتاتتارىمەن قاتار، ءقازىر ايماقتاردا سەنات دەپۋتاتتارى جۇمىس ىستەپ جاتقاندىعىن اتاپ ءوتتى.

- بارشا قازاقستاندىقتارعا دەنساۋلىق، اماندىق جانە سابىرلىلىق تىلەيمىن. ءبىز بىرلىگىمىزدىڭ ارقاسىندا بۇل قيىندىقتان وتەمىز دەپ سەنەمىن، - دەدى ءماجىلىس ءتوراعاسى نۇرلان نىعماتۋلين.

ءماجىلىستىڭ باسپا ءسوز قىزمەتى