مەن وزگە عالامشارلىقپىن... مەن جاساندى ينتەللەكتتى باياۋلاتۋ مەن رەتتەۋ ماڭىزدى ەكەنىنە ادامداردى سەندىرۋگە تىرىستىم. الايدا ەشكىم تىڭدامادى. رەتتەۋ ەرەجەلەرى وتە باياۋ پايدا بولادى. جاڭا تەحنولوگيالار ءولىم-جىتىم، اپاتتار تۋدىرعان سوڭ بارىپ، وكىنىشتەر بولادى، تەكسەرىستەر بولادى، سوسىن بارىپ ونى زەرتتەيتىندەر، ەرەجە جاسايتىندار، رەتتەۋ ەرەجەلەرى پايدا بولادى. بۇل وتە كوپ جىلداردى قاجەت ەتەدى. مىسالى، اۆتوكولىك ەرەجەلەرىنە قاراساڭىز، قاۋىپسىزدىك بەلدىگىن تاعۋدى تالاپ ەتۋگە قانشا ۋاقىت كەتتى؟ ءسىز بىلەسىز بە، اۆتوموبيل ونەركاسىبى قاۋىپسىزدىك بەلدىكتەرى تۋرالى ايتىستى، مەنىڭشە، ون جىلدان استام ۋاقىت. اقىر سوڭىندا، كوپتەگەن ادامدار قايتىس بولعاننان كەيىن، رەتتەۋشىلەر قاۋىپسىزدىك بەلدىكتەرىن تالاپ ەتتى. ال بۇل ۋاقىتتى جاساندى ينتەللەكتپەن سالىستىرۋعا كەلمەيدى. ەگەر جاساندى ينتەللەكتتىڭ ءقاۋىپتى بولا باستاعان كەزىنەن ەسەپتەسەڭ، وعان ون جىل دا كەتپەيدى. وتە كەش... سول زامان كەلە جاتىر... ءبىر نارسە انىق، ءبىز ولاردى باقىلاي المايمىز... مەن باراك وباماعا سول (جاساندى ينتەللەكت) ءۇشىن عانا كەزىكتىم... مەن كونگرەسسكە باردىم، ەلۋ شتاتتىڭ بارلىق گۋبەرناتورلارىمەن كەزىكتىم. تەك جاساندى ينتەللەكتتىڭ ءقاۋپى تۋرالى ايتتىم. ەشكىم مۇنىڭ قايدا كەتىپ بارا جاتقانىن سەزبەدى.

 

سيمۋلياسيا تاقىرىبى جايىندا: 

 

بۇل (ءومىر) سيمۋلياسيا بولۋى مۇمكىن. سيمۋلياسيا ءۇشىن ارگۋمەنت، مەنىڭ ويىمشا، وتە كۇشتى ويتكەنى ەگەر ءسىز 1%، 0،1% ۇنەمى دامۋ بولادى دەپ بولجاڭساڭىز جانە ۋاقىت ارالىعىن ۇزارتساڭىز، ونى مىڭ جىل، ميلليون جىلعا ۇزارتىڭىز. الەمنىڭ جاسى 13،8 ميلليارد جىل. وركەنيەتتى ءداۋىردى كەڭىرەك ەسەپتەسەك، العاشقى جازبا پايدا بولعاننان باستاساق، ول 7000 نەمەسە 8000 جىل. بۇل ەشتەڭە ەمەس. شىنىمەن ەشتەڭە ەمەس. سونىمەن، ەگەر ءسىز قانداي دا ءبىر دامۋ قارقىنىن بولجاساڭىز، وندا (كومپيۋتەرلىك) ويىندار شىندىقتان اجىراتىلمايتىنداي بولادى نەمەسە وركەنيەت اياقتالادى. سول ەكى جاعدايدىڭ ءبىرى بولادى. سوندىقتان ءبىز، مۇمكىن، سيمۋلياسيادامىز.

 

 

مەنىڭشە، مۇمكىن. بۇل تەك ىقتيمالدىق تۋرالى. كوپتەگەن سيمۋلياسيا بولۋى مۇمكىن. بۇل سيمۋلياسيالاردى ءبىز شىندىق دەپ تە اتاساق تا بولادى نەمەسە ولاردى ءار ءتۇرلى الەم دەپ اتاساق تا بولادى.

 

ولار (سيمۋلياسيالرادى جاساعاندار) بازالىق شىندقىتا(سۋبستراتتا). بۇل سۋبسترات، مۇمكىن، قىزىقسىز.

ويىن نەمەسە فيلم سياقتى سيمۋلياسيا جاساعان كەزدە، بۇل ومىرگە قىزىقتى نارسەنى كورسەتەمىز. بىلەسىز بە، ەكشن-فيلم تۇسىرۋگە ءبىر جىل قاجەت. سودان كەيىن، ەكى-ۇش ساعات ىشىندە كورسەتەدى. سونىمەن، ايتايىن، ەگەر ءسىز ەكشن-فيلم ءتۇسىرىلىپ جاتقانىن كورگەن بولساڭىز، ول ءىش پىستىرادى، وتە زەرىگىشتى. وتە كوپ تۇسىرىلىمدەر بولادى. ءبارى جاسىل ەكراندا. بۇل وتە قىزىقسىز سەزىلەدى. كەرەمەت كورىنبەيدى. ءبىراق كومپيۋتەرلىك سۋرەتتەر دايىن بولعاننان كەيىن جانە ۇلكەن رەداكسيالاۋ جاساعاننان كەيىن، ءبارى تاڭقالارلىق بولادى.

مەنىڭشە، ەگەر ءبىز سيمۋلياسيا بولساق، سيمۋلياسيادان تىستاعى دۇنيە وتە قىزىقسىز، سەبەبى ءسىز نەگە سيمۋلياسيانى قىزىقسىز ەتىپ جاسايسىز؟ ءسىز سيمۋلياسيانى بازالىق شىندىقتان گورى قىزىقتى ەتىپ جاسايسىز.