بۇگىن، ساعات تاڭعى 05:19-دا اقمولا وبلىسى اتباسار اۋدانىنىڭ حرياششيەۆكا اۋىلىندا ءتۇرعىن ۇيدەن ءورت شىقتى. بۇل تۋرالى قازاقستاننىڭ ىشكى ىستەر مينيسترلىگىنىڭ توتەنشە جاعدايلار كوميتەتى حابارلادى.

كوميتەتتىڭ حابارلاۋىنشا، 7 ادامنان تۇراتىن وتباسىنىڭ 1979، 1981 جىلى تۋعان اتا-اناسى جانە 5 بالاسى بولعان. ولار 2004، 2005، 2007، 2008 جىلدارى تۋعان ۇلدار مەن 2012 تۋعان قىز بالا.

اتباسار قالاسىنىڭ №4 مامانداندىرىلعان ءورت ءسوندىرۋ ءبولىمىنىڭ قىزمەتكەرلەرى كەلگەنگە دەيىن اتا-اناسى مەن 2004، 2012 جىلى تۋعان ەكى بالا سىنعان تەرەزەدەن وزدىگىنەن شىققان. ءورت كەزىندە ءۇيدىڭ توبەسى قۇلاعان.

ءورت ساعات 08:25-تە ءسوندىرىلدى. ۇيىندىلەردى تازالاۋ جۇمىستارى جۇرگىزىلىپ جاتىر. ءورتتىڭ ورنىنان ءۇش بالانىڭ ءمايىتى تابىلدى. 

توتەنشە جاعداي دەپارتامەنتىنەن ءورتتى سوندىرۋگە 12 قىزمەتكەر مەن 2 تەحنيكا، ەرىكتى تۇردە ءورتتى سوندىرۋگە تارتىلعان ۇيىمداردان 3 ادام مەن 3 تەحنيكا جۇمىلدىرىلدى. سونداي-اق  اۋداندىق پوليسيا ءبولىمىنىڭ كەزەكشى جەدەل-تەرگەۋ توبى جۇمىس ىستەپ جاتىر.

ءورتتىڭ سەبەبىن انىقتاۋ ءۇشىن كوكشەتاۋ قالاسىنان ماماندار جىبەرىلدى.