شىعىس قازاقستان وڭىرلىك كوممۋنيكاسيالار قىزمەتىندە وتكەن بريفينگ بارىسىندا ەڭبەك، الەۋمەتتىك قورعاۋ جانە كوشى-قون كوميتەتىنىڭ شقو بويىنشا دەپارتامەنتىنىڭ مۇگەدەكتەردى الەۋمەتتىك قورعاۋ سالاسىنداعى باقىلاۋ ءبولىمىنىڭ باسشىسى ماقسات چۋكۋبايەۆ «قازاقستان رەسپۋبليكاسىنىڭ مۇگەدەكتەردى الەۋمەتتىك قورعاۋ تۋرالى» جانە «ارناۋلى الەۋمەتتىك قىزمەت تۋرالى» ق ر زاڭدارىنىڭ تالاپتارىنىڭ ساقتالۋىن باقىلاۋدىڭ قورتىندىسى جانە ستاسيانارلى مەديسينالىق-الەۋمەتتىك مەكەمەلەردەگى كوروناۆيرۋس ينفەكسياسىنا قارسى جۇرگىزىلگەن ءىس-شارالار تۋرالى ايتىپ بەردى.
بريفينگ بارىسىندا ءبولىم باسشىسى اعىمداعى جىلدىڭ ءبىرىنشى جارتىجىلدىعىندا جاۋاپتى سالا ماماندارى 21 تەكسەرىس جۇرگىزگەنىن اتاپ ءوتتى. ونىڭ ىشىندە 20 بەكىتىلگەن تىزىمگە سايكەس ارناۋلى الەۋمەتتىك قىزمەتتەردى كورسەتۋ جانە مۇگەدەكتەردى الەۋمەتتىك قورعاۋ سالاسىنداعى ق ر زاڭناماسىن ساقتاۋ تاقىرىبىندا پروفيلاكتيكالىق باقىلاۋ جانە 1 جوسپاردان تىس تەكسەرىس جاسالعانىن ايتتى.
- پروفيلاكتيكالىق باقىلاۋ ناتيجەسىندە مۇگەدەكتەردى الەۋمەتتىك قورعاۋ جانە ارناۋلى الەۋمەتتىك قىزمەت كورسەتۋ سالاسىندا ق ر زاڭناماسى تالاپتارىنىڭ 95 بۇزۋشىلىعىن جويۋ بويىنشا 20 ۇيعارىم بەرىلدى، - دەدى ماقسات چۋكۋبايەۆ.
ءبولىم باسشىسىنىڭ ايتۋىنشا، جوسپاردان تىس تەكسەرىستىڭ قورتىندىسى بويىنشا مۇگەدەكتەردى الەۋمەتتىك قورعاۋ جانە ارناۋلى الەۋمەتتىك قىزمەت كورسەتۋ سالاسىندا ق ر زاڭناماسى تالاپتارىنىڭ 7 بۇزۋشىلىعىن جويۋ تۋرالى ۇيعارىم بەرىلىپ، «اكىمشىلىك قۇقىق بۇزۋشىلىق تۋرالى» ق ر كودەكسىنىڭ 84 بابى، 1 ءبولىمى، 1 تارماقشاسىنا سايكەس «اياگوز بالالارعا ارنالعان ارنايى الەۋمەتتىك قىزمەت كورسەتۋ ورتالىعىنىڭ ديرەكتورىنا لاۋازىمدى تۇلعا رەتىندە 27780 تەڭگە كولەمىندە اكىمشىلىك ايىپپۇل سالىنعان.
- دەپارتامەنتتىڭ حالىقتى الەۋمەتتىك قورعاۋ سالاسىنداعى باقىلاۋ بولىمىنە شقو سانيتارلىق-ەپيدەميولوگيالىق احۋالعا بايلانىستى جەرگىلىكتى اتقارۋشى ورگاننىڭ مەديسينالىق-الەۋمەتتىك مەكەمەلەردەگى قىزمەت الۋشىلار جانە قىزمەتكەرلەردىڭ كوروناۆيرۋس ينفەكسياسى بويىنشا ناۋقاستانۋ مونيتورينگى جۇرگىزىلەدى، - دەدى ماقسات چۋكۋبايەۆ.
شقو اقپارات ورتالىعى
پىكىر قالدىرۋ