شىعىس قازاقستان وبلىسىندا «ەنبەك» باعدارلاماسى بويىنشا 13،9 مىڭ ادامعا قولداۋ كورسەتىلدى. بۇل تۋرالى شقو اقپاراتتىق ورتالىعىندا وتكەن بريفينگ بارىسىندا  جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسى باسشىسىنىڭ ورىنباسارى دوسحان قايىرعازينوۆ ءمالىم ەتتى.

- وڭىردەگى 48 كوللەدجدە ەڭبەك نارىعىنا قاجەتتى 3807 كادر دايارلانۋدا. بۇدان بولەك قىركۇيەك ايىندا 1730 تالاپكەردى قابىلداۋ جوسپارلانىپ وتىر، - دەدى دوسحان قايىرحانوۆ.

بريفينگ بارىسىندا باسقارما باسشىسىنىڭ ورىنباسارى كاسىپكەرلەردىڭ 534 جوباسىنا مەملەكەتتىك بيۋدجەت ەسەبىنەن قارجى بولىنگەنىن اتاپ ءوتتى. وعان 2،2 ملرد.تەڭگە بولىنگەن. سونىمەن قاتار جاڭا بيزنەس يدەيالاردى قولداۋ ماقساتىندا 473 گرانت تاعايىندالعان. ونىڭ جالپى قۇنى 263 ميلليون تەڭگە.

- «جاستار تاجىريبەسى» باعدارلاماسى بويىنشا 331 ادامعا جولداما بەرىلدى. سونداي-اق 5016 ادام قوعامدىق جۇمىستارعا تارتىلدى، - دەدى دوسحان قايىرحانوۆ.

شقو اقپارات ورتالىعى