ءقازىر شاعىن اۋداننىڭ ماسەلەلەرى قۇرىلىس جۇمىستارىمەن تىكەلەي بايلانىستى. ۇشاقتار ەلدىمەكەنى قالا اۋماعىندا جاقىن اۋىلداردان كەلگەن تۇرعىنداردىڭ قۇرىلىس سالۋلارى ناتيجەسىندە 90-ى جىلدارى پايدا بولدى. سۋ مەن ەلەكتر ەنەرگياسىن پايدالانۋ ءۇشىن تۇرعىندار وزدەرى جاساعان جەلىلەردى پايدالانۋدا، ايتا كەتەرلىگى ول ءقاۋىپسىز ەمەس.
تۇرعىنداردى اۋىز سۋمەن قامتاماسىز ەتۋ ءۇشىن قالا اكىمدىگى ەلدىمەكەندە سۋ جەلىسىن سالۋ تۋرالى شەشىم قابىلدادى. جوبا تۇرعىندارعا قالا باسشىلىعىمەن كەزدەسۋ كەزىندە تانىستىرىلعان بولاتىن. جوباعا سايكەس سۋ جەلىسىنىڭ جالپى ۇزىندىعى 40،2 كم قۇرايتىن بولادى. جۇمىستار 2018 جىلدىڭ قازانىندا باستالدى. ورىنداۋشى - "ۆوستوكسترويگرۋپپ" ج ش س. بۇگىنگى كۇندە جۇمىستىڭ 80% جۇزەگە اسىرىلدى. جۇمىستى اياقتاۋ اعىمداعى جىلدىڭ جەلتوقسان ايىنا جوسپارلانعان.
دەگەنمەن تقش ءبولىمىنىڭ باسشىسى امانتاي ۋتەلبايەۆتىڭ ايتۋىنشا ەلدىمەكەننىڭ تۇرعىندارى كۇزدىڭ باسىندا سۋمەن قامتىلا باستايدى.
ەنەرگيامەن قامتۋ ماسەلەسى شەشىلۋدە. كۆارتالىشىلىك ەلەكتر جەلىلەرىن قۇراستىرۋ جوباسىمەن "تپەپ" ج ش س اينالىسۋدا. كەلىسىم-شارتقا سايكەس جۇمىستار وتكەن جىلدىڭ 13 جەلتوقسانىندا اياقتالۋى ءتيىس بولعان. جوبانىڭ ۋاقىتىلى تاپسىرىلماۋى سەبەبىنەن قالالىق اكىمشىلىك اتىنان مەردىگەردى مەملەكەتتىك ساتىپ الۋدا ءتيىمسىز قاتىسۋشى دەپ تانۋ تۋرالى تالاپ جىبەرىلدى.
كوكتەمدە سوت شەشىمى شىعىپ مەردىگەرگە ارنايى جازا تاعايىندالدى. وبەكتىنى اياقتاۋ ءۇشىن №13 تۇيىق كوشەدەن رپ-عا دەيىن كابەلدى ورناتۋ، سيپ جوندەۋ جانە ەسەپتەۋ قۇرالدارىن ورناتۋ جۇمىستارى قالدى. 5 تامىز كۇنى كابەل ونىمدەرى كەلەدى دەپ كۇتۇلۋدە. جالپى جۇمىستى بيىل 28 تامىزعا دەيىن اياقتاۋ جوسپارلانۋدا.
