الەمدى دۇرلىكتىرگەن پاندەميا باستالعالى ۇيعىر اۋدانىندا ىندەتىنىڭ تارالۋىنا قارسى ءبىرقاتار شارالار ۇيىمداستىرىلىپ، جومارت جۇرەكتى كاسىپكەرلەر ەل ءۇشىن جاناشىرلىق تانىتۋدا.
سولاردىڭ ءبىرى – «مت-فارم» ءجشس-نىڭ باسشىسى، ءابىلجان ادامبەكوۆ 14 ءتۇرلى دارى-دارمەكتى اۋداندىق اۋرۋحاناعا تابىستادى.
اتالعان دارىلەر شالعاي جاتقان اۋىلدارداعى مەديسينالىق مەكەمەلەرگە ۇلەستىرىلىپ تاراتىلاتىن بولادى. ال «ۇرپاق پارىزى» قوعامدىق بىرلەستىگى جانە وزگە دە كاسىپكەرلەر ۇيعىر اۋداندىق اۋرۋحاناسىنا 8 دانا وتتەگى كونسەنتراتورىن، 60 دانا تىنىس الۋعا ارنالعان «بوبروۆا» اپپاراتىن، 2 دانا كىر جۋعىش ماشينا، كەرەكتى دارى-دارمەك سىيعا تارتتى.
سونداي-اق ناۋقاستاردىڭ تىنىس الۋىنا قولايلى جاعداي جاساۋ ءۇشىن مۇرات مۇزافاروۆ، ريشاد ءابدىراحمانوۆ، ساۆەردەن يلاحۋنوۆ سەكىلدى كاسىپكەرلەر وتتەگى جۇيەسىن ورتالىقتاندىرىپ بەردى.
جۇمىلا كوتەرگەن جۇك جەڭىل. قيىن ساتتە اۋدان حالقىنا كومەك قولىن سوزىپ، تالاي ادامنىڭ ومىرىنە اراشا بولۋعا ءوز سەپتىگىن تيگىزىپ وتىرعان كاسىپكەرلەرگە اۋدان اكىمى شىنايى ريزاشىلىعىن ءبىلدىردى.
ايدار قالييەۆ
الماتى وبلىسى
پىكىر قالدىرۋ