بۇگىندە ينفەكسيامەن كۇرەسۋگە مەديسينا قىزمەتكەرلەرىمەن بىرگە ەرىكتىلەر دە جاپپاي جۇمىلا باستادى. ماسەلەن، الماتى وبلىسىنداعى الاكولدىك كاسىپكەرلەر مەن جانى جومارت تۇرعىندار اۋدانىمىزدا ورنالاسقان ەمدەۋ مەكەمەلەرىنە مەديسينالىق قۇرال-جابدىقتاردى سىيعا تارتۋدا. وسى رەتتە ىندەتكە شالدىققان ناۋقاستاردىڭ ەمىنە شيپا بولار دەگەن سەنىممەن قولداۋ كورسەتىپ، 11 وتتەگى كونسەنترانتىن تابىس ەتتى.
قولداۋ بىلدىرگەن ازاماتتاردىڭ قاتارىندا «الاكول اۋداننىڭ قۇرمەتتى ازاماتى»، ەڭبەك ارداگەرى ساپارعالي ابدينوۆ، قارابۇلاق اۋىلىنىڭ تۇرعىنى كۇلسىم جاقانبايەۆا، «قازاقستان تەمىرجولى» ۇك اق، «جازىلبەكوۆ ي ك» كومپانياسىنىڭ وكىلى ايدار جازىلبەكوۆ، «باعالى – الاكول» ج ش س وكىلى داۋرەن سلياموۆ، جەكە كاسىپكەر قانات نۇعىمانوۆ بار. سونداي-اق، اۋداندا ورنالاسقان «مەرەي-اسەم» ج ش س باسشىسى س. قارابەكوۆ وكپەدەگى قاناينالىم جۇيەسىن ولشەيتىن (ساتۋراسيا) 50 دانا Pulse Oximeter اپپاراتىن اۋداندىق ورتالىق اۋرۋحاناعا تابىستادى.
شارا بارىسىندا الاكولدىك جومارتتار ەلىمىزدەگى جاعدايعا بايلانىستى كوروناۆيرۋس ينفەكسياسىمەن كۇرەسىپ جاتقان اق حالاتتى ابزال جانداردىڭ ەڭبەكتەرى وراسان زور ەكەنىن ايتىپ، دارىگەرلەرگە العىس ءبىلدىردى. سوڭىندا اۋدان اكىمى الىبەك جاقانبايەۆ وسىنداي قيىن قىستاۋ كەزەڭدە حالىقتىڭ جاناشىرى بولىپ، بەرەكە مەن بىرلىگىمىزدى كورسەتىپ، جاقسىلىق ىستەردە جارىسىپ، يگىلىككە تولى ىستەردە قول ۇشىن سوزعان ازاماتتارعا ءوزىنىڭ جانە اۋدان تۇرعىندارىنىڭ اتىنىنان العىس ايتتى.
ايدار قالييەۆ
الماتى وبلىسى
پىكىر قالدىرۋ