ءماجىلىس ءتوراعاسى نۇرلان نىعماتۋلين قازاقستاندىقتاردى قۇربان ايت مەرەكەسىمەن قۇتتىقتادى.
– بارشا قازاقستاندىقتاردى مۇسىلمان قاۋىمىنىڭ ەڭ ءبىر قاسيەتتى دە ۇلىق مەرەكەسى – قۇربان ايتپەن شىن جۇرەكتەن قۇتتىقتايمىن!
بۇل مەيرام بىرلىگىمىزدى نىعايتىپ، حالقىمىزدىڭ تاتۋلىعىن ارتتىرىپ، ەلدىگىمىزدى كۇشەيتەدى.
وسى قاسيەتتى مەرەكەدە جاساعان قايىرىمدى ىستەرىڭىز بەن نيەتتەرىڭىز قابىل بولسىن!
قۇربان ايتتىڭ باستى قۇندىلىقتارى – ول ادامداردىڭ بىر-بىرىنە جاناشىرلىقپەن قاراۋى، قامقورلىق تانىتىپ جانە جاقسىلىق جاساۋى. وسىنداي ىزگى دە مەيىرىمدى امالدار بۇگىنگىدەي كۇردەلى كەزەڭدە ءاربىر ادامعا وتە قاجەت، – دەدى، نۇرلان نىعماتۋلين.
سونىمەن قاتار، ءماجىلىس ءتوراعاسى بارلىق قازاقستاندىقتارعا زور دەنساۋلىق، اماندىق جانە ءاربىر وتباسىنا باق-بەرەكە تiلەدى.
ءماجىلىستىڭ باسپا ءسوز قىزمەتى
پىكىر قالدىرۋ