ەلدە قوعامعا پايداسىن تيگىزەمىن دەيتىن ەرىكتىلەردىڭ قاتارى ارتىپ كەلەدى. ەلىمىزدىڭ تۇكپىر-تۇكپىرىندە ءتۇرلى قايىرىمدىلىق ۇيىمى جۇمىس ىستەيدى. سولاردىڭ ءبىرى الماتى وبلىسى تالعار اۋداندىق جاستار رەسۋرستىق ورتالىعىنىڭ جانىنان قۇرىلعان "Volunteens Club" ەرىكتىلەر توبى. 

توپ مۇشەلەرى 100 ەرىكتىدەن تۇرادى. شىنار ابىلدايەۆا جەتەكشىلىك ەتەتىن بۇل توپ تالعارلىقتاردىڭ العىسىنا بولەنۋدە.  ولار "ءبىز بىرگەمىز!"  جوباسى اياسىندا 50 كوپ بالالى وتباسىنا ازىق-تۇلىك سەبەتتەرىن تاراتۋعا ۇلەس قوستى. گرانت سوماسى 500 000 تەڭگە. گرانت بەرۋشى "زەلەنايا ەكونوميكا" قوعامدىق قورى، "Coca-Cola بەلەستەرi" جوباسى. سونىمەن قاتار، "حالىق" قايىرىمدىلىق قورىنىڭ دەمەۋشىلىگىمەن بەرىلگەن  COVID-19 پاندەمياسىن كەزىندەگى تالعار اۋدانىنىڭ 341 كوپبالالى وتباسىنا جالپى سوماسى 4 ميلليون 867 مىڭ تەڭگەگە ازىق-تۇلىك سەبەتتەرىن اۋدان ەرىكتىلەرى تاراتتى. "Birgemiz: Taza Alem" جالپىۇلتتىق جوباسىن جۇزەگە اسىرۋ بارىسىندا "ەكويەۆوليۋسيا" ەكولوگيالىق جوباسى  ىسكە اسىرىلۋدا. اۋدان جاستارى ءى توپتاعى مۇمكىندىگى شەكتەۋلى ازامات باقداۋلەت ءامىرحانوۆتىڭ وتاسىنا قاراجات جيناۋدى قول العان ەدى. ناتيجەسىندە 1 ميلليون 13 مىڭ تەڭگە قاراجات جينالىپ، باقداۋلەتتىڭ وتباسىنا تاپسىرىلدى. ينتراكرانيالدى گيپوتەنزيا دياگنوزى انىقتالعان ناۋقاس نۇرسۇلتان ورازبەككە 285 مىڭ  تەڭگە قارجىلاي كومەك كورسەتتى. ەلدە جاريالانعان  پاندەميا ۋاقىتىندا  جاستار رەسۋرستىق ورتالىعىنىڭ جەتەكشىسى ز. قالىمبەتوۆا باستاعان ۆولونتەرلەر توبى اۋدانعا قاراستى 1 قالا جانە 10 اۋىلدىق وكرۋگىندەگى از قامتىلعان، كوپبالالى 519 وتباسىعا  ازىق-تۇلىك سەبەتتەرىمەن كومەك كورسەتتى. سونىمەن قاتار، 3500 دانا (كوپ رەتتىك)  ماسكا تىگىلىپ، قارت كىسىلەر،  تۇرمىسى تومەن، كوپبالالى وتباسىلارعا، ەرەكشە قاجەتتىلىكتەرى بار ازاماتتار مەن   جانە مۇقتاج جاندارعا ۇلەستىرىلدى.

ەرىكتىلەر مۇنىمەن توقتاپ قالمايدى. ءالى دە تالاي يگى ءىس جاسايتىنى ايقىن. ەڭ باستىسى، ەلى ءۇشىن تۋعان جاندار بارلىق جاقسىلىق اتاۋلىنى تۋعان جەرىنە دەگەن سۇيىسپەنشىلىكپەن، شىنايى جۇرەكتەن ىستەيدى.

ايدار قالييەۆ