قازاقستاندا ەپيدەميولوگيالىق احۋال تۇراقتالدى. بۇل تۋرالى دەنساۋلىق ساقتاۋ ءمينيسترى الەكسەي سوي ورتالىق كوممۋنيكاسيالار قىزمەتىندە بولىپ جاتقان ونلاين-بريفينگتە ايتتى.

– ەڭ الدىمەن ەلدەگى ەپيدەميولوگيالىق احۋالعا توقتالايىق. ەلدەگى احۋال تۇراقتالدى دەپ ايتسام ارتىق بولماس. قازىرگى ۋاقىتتا جاعداي تۇراقتالىپ كەلەدى. قازاقستاندا جالپى ناۋرىز ايىنان بەرى 92662 ادامنان ىندەت انىقتالدى. ونىڭ ىشىندە 30 مىڭعا جۋىق ناۋقاس ەمدەلۋدە. قالعان ناۋقاستار جازىلىپ شىقتى. كەشەگى كۇنمەن ەسەپتەگەندە،  وكىنىشكە قاراي 1058 ادام قايتىس بولدى. بۇگىندە كوروناۆيرۋس جۇقتىرعاندار سانى ەداۋىر ازايىپ كەلەدى. مىسالى، ءبىر تاۋلىكتە 1069 ادامنان كوروناۆيرۋس  انىقتالىپ جاتىر. اۋرۋحانادا دارى-دارمەك جەتكىلىكتى. كوروناۆيرۋس پەن پنەمونياعا شالدىققان ناۋقاستارعا ارنالعان 52000 توسەك ورىن بار، – دەدى مينيستر.