"گۋن ستروي سەرۆيس" قۇرىلىس كومپانياسىنىڭ ديرەكتورى ءسابيت قاليولدانوۆ ارنايى ساپارىمەن الماتى وبلىسىنداعى كەگەن، رايىمبەك اۋداندارىنا بارىپ، ورتالىق اۋرۋحانالاردىڭ ءارقايسىسىنا 4 ميلليون تەڭگەنىڭ اسا قاجەتتى مەديسينالىق قۇرال-جابدىقتارىن، دارى-دارمەك اكەلىپ تابىستادى.
سونداي-اق، اۋرۋحانالاردىڭ جانساقتاۋ بولىمدەرىنە ارنالعان كوپ مۇمكىندىگى بار ەكى توسەك سىيلادى. ءسابيت قاليولدانوۆ باستاعان قۇرىلىس كومپانياسىنىڭ ۇجىمى مۇنداي قولداۋ، كومەكتەرىن ۇيعىر اۋدانىنا دا كورسەتتى. الماتى قالاسىنداعى اۋرۋحانالارعا 8 ميلليون تەڭگەنىڭ قاجەتتى مەديسينالىق قۇرال-جابدىقتارىن الىپ بەردى.
جومارت جانعا كەگەن اۋدانى اكىمىنىڭ ورىنباسارى كەڭەس قابىلبەكوۆ پەن كەگەن اۋداندىق ورتالىق اۋرۋحاناسى كوممۋنالدىق مەملەكەتتىك كاسىپورنىنىڭ ديرەكتورى الماس تىلەۋلييەۆ ءوڭىر تۇرعىندارىنىڭ اتىنان العىس ايتىپ، كومپانيا ۇجىمىنىڭ ەڭبەكتەرىنە تابىس، دەندەرىنە ساۋلىق تىلەدى.
ايدار قالييەۆ
پىكىر قالدىرۋ