سارقان اۋدانىنىڭ «پارىز» جانە «جالىن جۇرەك» قوعامدىق بىرلەستىكتەرىندە 118 ەرىكتى بار. ولار ەلىمىزدە توتەنشە جاعداي جاريالانعانىنا بايلانىستى «مەيرىمدى جەتىسۋ» اكسياسى اياسىندا اۋدانداعى دەمەۋشىلەردىڭ قولداۋىمەن كوپبالالى وتباسى،  الەۋمەتتىك جاعدايى تومەن جانە مۇمكىندىگى شەكتەۋلى جاندارعا ازىق-تۇلىك، انتيسەپتيكتەر تاراتتى.

بارىن جوق-جىتىكپەن ءبولىسىپ، ەل سۇيىنەر قايىرىمدىلىق جاساپ، ابىرويلى بولىپ جۇرگەن جومارتتار 245 وتباسىنا جاردەمدەستى. ەرىكتىلەر اۋدان ورتالىقتارىندا جانە اۋىلدىق وكرۋگتەرىندەگى قارتتارعا قامقورلىق كورسەتۋ، جاستاردى ۇلكەندەرگە قۇرمەتپەن قاراۋعا تاربيەلەۋ ماقساتىندا  جالعىز باستى قاريالارىمىزدىڭ ۇنەمى ۇيلەرىنە بارىپ، قال جاعدايلارىن ءبىلىپ، ءۇي اۋلاسىن تازارتىپ، وتىندارىن شاۋىپ، كومەك قولىن سوزىپ تۇرادى. ءقازىردىڭ وزىندە 47 وتباسىنا جاردەمدەستى.

كۇللى الەمدى دۇرلىكتىرگەن ىندەت ەلىمىزدە دە ءورشىپ تۇر. دەسەدە ءوز باسىن قاتەرگە تىگىپ، كوروناۆيرۋس ينفەكسياسىمەن كۇرەسىپ جاتقان اق حالاتتى ابزال جانداردىڭ ەڭبەكتەرى وراسان زور. وسىنداي قيىن كەزەڭدە ينفەكسيامەن كۇرەسۋگە جۇمىلعان دارىگەرلەرگە سارقان اۋدانىنىڭ  ەرىكتىلەرى قوسىلىپ، جۇقپالى اۋرۋلار اۋرۋحاناسىنىڭ دارىگەرلەرىنە 30 ليتر قىمىز جەتكىزىپ، ءوز ۇلەستەرىن قوستى. اۋدان بويىنشا ەڭ ۇزدىك ەرىكتى نۋربول احمەتباي  «مەيرىمدى جەتىسۋ» اكسياسى اياسىندا 34 وتباسىعا دەمەۋشىلەرىمىزدىڭ قولداۋىمەن بەرىلگەن ازىق-تۇلىكتى تاراتتى. اۋداندا كوپكە ۇلگى بولاتىن ەرىكتىلەر جەتەرلىك. قيىن ساتتە ەل بولىپ، جۇدىرىقتاي جۇمىلساق، قيىنشىلىقتىڭ بارلىعىن جەڭىپ شىعامىز.