4 تامىز كۇنى ليۆاننىڭ استاناسى بەيرۋتتاعى ۇلكەن جارىلىسقا 2750 توننا اممونيي نيتراتى سەبەپ بولعان. بۇل تۋرالى "قامشى" پورتالىنىڭ عىلىم سالاسىنداعى ارناۋلى اۆتورى جەكسەن توقتارباي حابارلادى.

4 تامىز 2020 جىلى ليۆاننىڭ استاناسى بەيرۋتتا ۇلكەن جارىلىس بولىپ، 78 ادام قازا تاپتى. 4000-نان استام ادام جاراقاتتانىپ، بىرنەشە عيمارات قيرادى.

العاشقى زەرتتەۋ ناتيجەسى بويىنشا جارىلىسقا پورتتاعى 2750 توننا اممونيي نيتراتى سەبەپ بولعان.

اممونيي نيتراتى – اق ءتۇستى، ۇنتاق تۇرىندەگى كريستالدى زات. نەگىزىنەن اۋىل شارۋاشىلىعىندا تىڭايتقىش رەتىندە قولدانىلادى. قىزدىرعاندا جانىندا جاناتىن زاتپەن قوسىلسا، قوپارىلىس جاسايدى. جالپى ازوتتى تىڭايىتقىشتاردىڭ باسىم كوپشىلىگ كۇشتى قوپارىلىس جاسايتىن قابىلەتكە يە.

اممونيي نيتراتى بۇعان دەيىن دە الدەنەشە رەت جارىلعان.

1921 جىلى 21 قىركۇيەكتە وپپاۋدا (گەرمانيا) 450 توننا اممونيي نيتراتى تىڭايتقىشى جارىلىپ، 600 ادام قاز تاپتى، 2000-نان استام ادام جارالانعان.

1947 جىلى 16 ساۋىردە تەحاستا (اقش) 2200 توننا اممونيي نيتراتى جارىلۋىنان 581 ادام ءولىپ، 2000-نان استامى جارالانعان.

2004 جىلى 22 ساۋىردە ريوڭ چوندا (سولتۇستىك كورەيا) ءدال وسىنداي جارىلىستان 54 ادام قايتىس بولدى.

2015 جىلى 12 تامىزدا تيان جيندە (جۇڭگو) 800 توننا اممونيي نيتراتى جارىلعاننان 173 ادام قازا تاپتى.

اممونيي نيتراتى تىڭايتقىشىن تەز جاناتىن زاتتارمەن بىرگە قويماۋ كەرەك. اسىرەسە تىڭايتقىشتى كوپ مولشەردە قولداناتىن ۇلكەن فيرمالار مەن اۋىل تۇرعىندارى ابايلاعانى ءجون.