جامبىلدا بولعان جول اپاتىنان ءبىر بالۋان اۋىر حالدە كوماعا ءتۇستى. بۇل تۋرالى وبلىستىڭ دەنساۋلىق ساقتاۋ باسقارماسىنىڭ باسپا ءسوز قىزمەتى حابارلادى. 

3 شىلدەدە جامبىل وبلىسىندا بولعان جول اپاتىنان ەركiن كۇرەس بالۋاندارى نۇرداۋلەت زاۋىتبەك جانە شىڭعىسحان مۇحامەتقالييەۆ اۋىر حالدە اۋرۋحاناعا جەتكىزىلگەن بولاتىن. ءقازىر بالۋاننىڭ ءبىرى – شىڭعىسحان مۇحامەتقالييەۆتىڭ كوماعا تۇسكەنى بەلگىلى بولدى.

– قورداي اۋرۋحاناسىنا 1998 جانە 1999 جىلى تۋعان ەكى ناۋقاس ءتۇستى. 1999 جىلى تۋعان مۇحامەتقالييەۆتىڭ مي سەرەبرال ىسىگى بولدى. ءقازىر ونىڭ جاعدايى وتە اۋىر. دارىگەرلەر وعان وتا جاسادى. كومادا جاتىر، ساناۆياسيانى شاقىردىق. ەكىنشى ناۋقاستىڭ جاعدايى ورتاشا، تۇراقتى. ول دا بىرنەشە جاراقات العان، – دەدى وبلىستىڭ دەنساۋلىق ساقتاۋ باسقارماسىنىڭ باسپا ءسوز حاتشىسى تولقىن ومىربەكوۆا.

بۇعان دەيىن ءبىر توپ (بەس بالا) ەركىن كۇرەس بالۋانى جول اپاتىنا ءتۇسiپ، جاقسىبەك كارابالايەۆ پەن جانبوتا بايبازار وقيعا ۇستىندە، ال يلياس جۇمايدىڭ اۋىر حالدە اۋرۋحانادا كوز جۇمعانى حابارلانعان.