بۇگىن الماتىدا ابايدىڭ مەرەيتويىن اتاپ ءوتۋ اياسىندا ۇلى اقىننىڭ ءومىرى جايلى فيلمدەر اشىق اسپان استىنداعى كينوتەاتردا كورسەتىلەدى.

"ۇلتتىق كينونى قولداۋ مەملەكەتتىك ورتالىعى» كوممەرسيالىق ەمەس اكسيونەرلىك قوعامىنىڭ مالىمەنتىنشە، بۇل وي كارانتيندىك شارالار جاعدايىندا كەڭ اۋديتورياعا كينوفيلمدەردى كورسەتۋدىڭ مۇمكىن بولعان جالعىز ءقاۋىپسىز ءتۇرى – اۆتوموبيلدىك كينوتەاتردىڭ اشىلۋىنىڭ ارقاسىندا جۇزەگە اسىرىلىپ وتىر.

ق ر مادەنيەت جانە سپورت مينيسترلىگى، ۇلتتىق كينونى قولداۋ مەملەكەتتىك ورتالىعى جانە شاكەن ايمانوۆ اتىنداعى "قازاقفيلم" كينوستۋدياسىنىڭ قولداۋىمەن اباي قۇنانبايەۆتىڭ قۇرمەتىنە ءارتۇرلى جىلدارى تۇسىرىلگەن ەكى ءومىرباياندىق كينوكارتينانىڭ اشىق كورسەتىلىمى وتەدى:

– "اباي ولەڭدەرى" ("پەسني ابايا") – مۇحتار اۋەزوۆتىڭ "اباي جولى" شىعارماسى بويىنشا 1945 جىلى تۇسىرىلگەن. كارتينا رەجيسسەرلەرى – گريگوريي روشال مەن ەفيم ارون.

– "اباي" – رەجيسسەرى ارداق ءامىرقۇلوۆ. كينو ۇلى اقىننىڭ 150 جىلدىعىنا وراي 1995 جىلى تۇسىرىلگەن.

"كينوتەاتردىڭ جاڭا، ال انىعىن ايتقاندا كوپتەن ۇمىت بولعان اشىق اسپان استىنداعى ەسكى ءپىشىمى ءوز جۇمىسىن "اتاكەنت" كورمە ورتالىعىنىڭ اۋماعىندا باستادى. ول 200 اۆتوكولىككە ەسەپتەلگەن. ويدى جۇزەگە اسىرۋشىلار ءىس جۇزىندە بايلانىسسىز قاتىسۋدى قامتاماسىز ەتتى: بيلەتتى تەك سايتتا عانا ساتىپ الۋعا بولادى، بۇكىل كينوسەانس كەزىندە كورەرمەندەر بىر-بىرىنەن ەداۋىر قاشىقتىقتا تۇراقتاعان اۆتوكولىكتەردىڭ ىشىندە وتىرادى" دەپ حابارلادى "ۇلتتىق كينونى قولداۋ مەملەكەتتىك ورتالىعى" كەاق-نىڭ باسپا ءسوز قىزمەتىنەن.

فيلمدەردىڭ كورسەتىلىمى 20:30-دا جانە 23:00-دە وتەدى.