قازاقستاندا 114 بالا كوروناۆيرۋس ىندەتىن جۇقتىرىپ، ونىڭ ۇشەۋى كاۆاساكي سيندرومىنا شالدىققان. بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ ورتالىق كوممۋنيكاسيالار قىزمەتىندەگى بريفينگتە حابارلادى.
– قازاقستاندا كوروناۆيرۋس ىندەتىن جۇقتىرعان 2 257 جاعداي تىركەلدى. بۇگىندە كوروناۆيرۋس جۇقتىرعان 114 بالا اۋرۋحانادا ەمدەلىپ جاتىر. كاۆاساكي سيندرومى – كۇرەتامىرعا زاقىم كەلەتىن كۇردەلى اۋرۋ ءتۇرى. جىل باسىنان بەرى نۇر-سۇلتان، الماتى جانە پەتروپاۆل قالالارىندا كاۆاساكي سيندرومىن جۇقتىرعان ءۇش جاعداي تىركەلدى، – دەدى باعدات قوجاحمەتوۆ.
ەلدە كوروناۆيرۋس جۇقتىرعاندار سانى 99 442-گە جەتتى. ونىڭ ىشىندە 72 523 ادام اۋرۋىنان ايىعىپ، 1 269 ادام اۋرۋدان كوز جۇمدى.
پىكىر قالدىرۋ