اقش پەن جۇڭگو اراسىنداعى ساۋدا سوعىسىنىڭ سالدارىنان iPhonە-نان باستاپ بارلىق تەلەفون، كومپيۋتەر وندىرەتىن Foxconn كومپانياسى قىتايدان بىرتىندەپ كەتىپ جاتىر. بۇل تۋرالى "قامشى" پورتالىنىڭ عىلىم سالاسىنداعى ارناۋلى اۆتورى جەكسەن توقتارباي حابارلادى.
كومپانيانىڭ اتقارۋشى ديرەكتورى ياڭ ليۋ 2020 جىلدىڭ ماۋسىم ايىندا قىتايداعى ءوندىرىسىنىڭ 25%- پايىزىن، وسى ەكى ايدىڭ ىشىندە 30 پايىزىن كوشىرگەنىن مالىمدەدى.
ول ينۆەستورلارمەن جاساعان ۆيدەو-كونفەرەنسيادا كومپانياسىن ءۇندىستانعا، وڭتۇستىك ازيا ەلدەرىنە نەمەسە اقش-قا كوشىرۋ كەرەكتىگىن، قىتايدىڭ "الەمنىڭ ءوندىرۋشىسى" ءداۋىرىنىڭ اياقتالعانىن ايتتى.
وزىندىك قۇنى 1،13 تريلليون دوللار بۇل كومپانيانىڭ 2020 جىلدىڭ العاشقى جارتىسىنداعى تازا تابىسى 778 ميلليون دوللاردى قۇراعان. جىل سوڭىنا قاراي تابىستىڭ تاعى دا تومەندەيتىنى بولجانىپ وتىر.
اقش پەن جۇڭگو اراسىنداعى ساۋدا سوعىسى تەك بۇل كومپانياعا عانا اسەر ەتپەدى. قىتايداعى ايگىلى تەلەفون ءوندىرۋشى Huawei مەن Xiaomi كومپانيالارىنا دا قيىن ءتيىپ وتىر. سەبەبى جۇڭگو مەن وڭتۇستىك ازيا ەلدەرىنىڭ اسەرىنەن ءۇندىستان دا ول ەلدىڭ ونىمدەرىنە شەكتەۋ قويعان.
پىكىر قالدىرۋ