الماتى قالاسىنداعى "قازاقفيلم" كينوستۋدياسىنىڭ اۋماعىندا ءورت شىقتى. كۋاگەرلەر ءورتتىڭ ۆيدەوسىن الەۋمەتتىك جەلىدە جاريالادى.
"14 تامىز ساعات 21:33-تە ءال-فارابي داڭعىلى 176ء-ۇي مەكەن-جايى بويىنشا ءورت شىققانى تۋرالى شۇعىل حابار كەلىپ ءتۇستى. الماتى قالالىق تجد قىزمەتكەرلەرى مەن تەحنيكالارى وقيعا ورىنىنا جەدەل جەتكەن. ءورتتى سوندىرۋگە 53 ادام مەن 16 تەحنيكا جۇمىلدىرىلدى" دەلىنگەن قالالىق تج قىزمەتى حابارلاماسىندا.
"قازاقفيلم" كينوستۋدياسىنىڭ اۋماعىندا ءورت ەكى جەردەن شىققانى بەلگىلى بولدى. ءبىرىنشىسى – اعاشتار جينالعان قويما، ەكىنشىسى – ەكى قاباتتى اعاشتان سالىنعان ءۇي. ءورتتىڭ تارالۋ ءقاۋپى جوق.
زارداپ شەككەندەر تۋرالى اقپارات ازىرگە بەلگىسىز. قازىرگى ۋاقىتتا الماتى قالاسى توتەنشە جاعدايلار قىزمەتىنىڭ كۇشتەرى مەن قۇرالدارى جۇمىس ىستەۋدە.
پىكىر قالدىرۋ